Ich Hanns der H/arttinger zu H/artting, vergich offenlich mit dem brif, vmb alle dy chrieg, st/ozz vnd zwyl/awff, dy gewesen :I sind zwischen mein vnd hern Marttein dez Gebenpekchen, an der zeit maister dez spitals sand Katrein an dem fvzz der prukk zu Regens(purch); vnd dezselben spitals von der pawrecht wegen z/u H/artting vnd waz sich sust von anderer l/awff vnd vodervng wegn verlossen vnd vergangen hat, wye daz allez genant ist, nichtz ausgenommen vntz auf den tag hewt, darvmb sey wir zu peder seitt liebleich vnd frewntlich miteinander verrichtt vnd verteydingt worden auf ein gantz ennd, also daz geret vnd geteydingt ist worden, daz ich obgenanter Hanns der H/arttinger vnd alle mein erben vnd nachkomen bey den vorgenanten pawrechtten beleiben s/ullen, an dez egenanten spitals vnd aller der seinen irrevng vnd hindern/uzz, trewlich an allez gev/ar, mit der bescheiden, daz ich vnd alle mein erbn vnd nachkomen dem vorgenanten spital, von dem vorgenanten hof vnd pawrechten, j/arleichen dynen vnd geben s/ullen, alle ir traydg/ultt nach beschawvng vnd nach irs salpuchs sag alz des lanndes vnd derselben gegent reht vnd gewonhait ist; vnd wir s/ullen in auch daz j/arleich antwurtten vnd f/orn auf irn chassten, an alle ir m/v vnd an allen irn schaden, alz ez mit alter gewonhait herchommen ist. Ich obgenanter Hanns H/arttinger vnd mein erben vnd nachkommen, s/ullen auch dem vorgenanten spital j/arleich dynen vnd geben zwelf schilling, der langen guter Regenspurger pfenning wisgeltz, ye auf sand Michels tag an alle widerrede vnd an allen abgankch; vnd auch j/arleich allen chlainen dienst, dez ist zwelf genns, viervndzwaintzikch h/vner, zwaintzikch pfenning ch/as vnd zwen zentten ayr zu ostern, vnd auch alles z/u rechtter zeit, an allen irn schaden. Wir s/ullen auch j/arleich in dez vorgenanten spitals stift chommen vnd irer stift reht tvn, alz ander ir mayr; vnd s/ullen auch j/arlich dem spitalmaister vnd seinen gesellen geben ain mal in der beschawvng nach alter gewonhait. Ich obgenanter Hanns der H/arttinger vnd mein erben s/ullen auch j/arleich einnemmen von der hofstat, da dy T/oslynn auf sitzzt, viervndzwaintzikch Regenspurger pfenning zinss. Es ist auch mer geret vnd geteydingt worden, ob ich obgenanter Hanns H/arttinger oder mein erben, dem vorgenanten hof vnd pawrehten nicht getvn oder vor sein m/ochten, vnd daz wir dy verchauffen m/usten oder woltten, daz s/ullen wir einen spitalmaister, der ye dann dyselb zeit spitalsmaister ist, anpieten, woltt vns der von dez vorgenanten spitals wegen, alz vil darvmb geben alz ander l/awt, so s/ullen wir daz spital dabey beleiben lassen vnd im dez g/vnnen f/vr ander l/awt. Woltt oder m/ochtt aber ein spitalmeister, von dez spitals wegen, darz/u nicht chern, so m/ugen wir ez einem fr/vmen pawmann wol verchauffen vnd geben, nach dezselbn spitalmaister rat; vnd der sol dann seinen willen vnd gvnst darz/u geben, an geu/ar vnd on allen chrieg vnd widerred. Daz dem vorgenanten spital vnd dem spitalmeister, wer ye dann spitalmeister ist, daz allez also st/at vnd vntzerbrochn beleib, dar/vber z/u vrch/und gebn wir in den brif versigelten, ich obgenanter hanns H/artting/ar, mit meinem insigel, f/vr mich vnd f/vr alle mein erben vnd nachkommen, vnd mit meins lieben swoger insigel, Hannsen dez Willtinger, der daz zu meinem insigel an den brif gelegtt hat, nach meiner fleizzigen pet, der sach zu einer gezewkchn/uzz, im vnd seinen erben vnenkolten vnd an schaden. Der sach sind schyedl/awt vnd teydinger gewesen: der vesst ritter, her Hanns von Stainach, an der zeit burgermeister z/u Regens(purch), der vorgenantt Hanns der Willtinger vnd Vlreich der Smalaher, her Vlreich auf tvnaw, probst, her Arnolt der Spitzz/ar vnd her Chvnrat der Enynkchel, alle drey burger z/u Regens(purch), vnd ander erberg l/awt. Daz ist geschehen nach Christy gep/urtt drewtzehenhvndert jar vnd in dem drewvndnewntzigistem jar dez nochsten freytags nach sand Martteins tag.