Ich Chvnrat der Ernuells/ar z/u Hohenburkch, mein hausfraw vnd alle vnser erben veriehen vnd bechennen :I offenlich mit dem brif, daz wir den weingartten, der gelegen ist z/u T/vmstauff an dem Hartperg, der genant ist der Woll/ar vnd der von vns lehen ist gewesen, durch frewntschaft vnd pet willen mit aller z/ugeh/orung desselben weingartten z/u durchsl/acht geaigent haben J/orgen dem Willden, burger z/u Regens(purch), seiner hausfrawen vnd allen irn erben vnd nachkommen. Vnd wir verzeihen auch vns derselben lehenschaft z/u durchsl/acht alz verre, daz wir noch alle vnser erben vnd nachkommen darauf noch darnach in dhainer weis dehain ansprach noch voder/ung nicht mer haben noch gewinnen sch/ullen noch enm/vgen, weder mit reht noch an reht, chlain noch gros, f/urbas nymmermer noch anders nyemant von vnsern wegen. Daz in oder wer den brif von irn wegen ynn hat vnd f/urpringt daz allez also st/at vnd vnczerbrochen beleib, dar/vber z/u einem vrch/und gib ich obgenanter Chvnrat der Ernuells/ar in den brif besigelten mit meinem insigel f/ur mich, f/ur mein hausfrawen vnd f/ur alle vnser erben vnd nachkommen vnd mit hern Gamerytz von S/arching insigel, der daz an den brif gelegtt hatt durch vnserer pet willen, der sach z/u einer gezewkchn/usse, im vnd seinen erben vnenkolten vnd an schaden. Daz ist geschehen nach Christy gepurtt drewczehenhvndert jar vnd in dem viervndnewntzigistem jar dez freytags nach vnserer frawen tag z/u lyehtmezz.