Ich Fridreich A*urungk, ich Vlreich sein sun, veriehen offenter mit dem brif f/ur vns, vnser erben, daz vns der ersam herr, :I her Chunrat Forhtman, zu der zeit maister dez spitals zu sand Kathrein, an dem f*uzs der pr*uk zu Regenspurch, gelassen hat den aigen hof dez spitals, gelegen zu M/oring, den uor uns Ulreich Fundan gpa*un hat, vmb die gewonleichen g*ult nach freis/azzen rehten, also, daz wir in pawen s/ullen ein behausung auf daz uorgenant g*ut vnd in den stadl pessern, vnd ander ir zimer s/ullen dem uorgenanten spital, zu fr*um vnd irm n*ucz, nach unsern ern, dem uorgenanten spital on schaden. Wenn wir auch dem uorgenanten hof niht vor m/ochten oder wolten sein, so sullen wir in daz egenant gut wesenleich lazzen ligen, zu felb und ze dorf, vnd s/ullen auch wir oder vnser erben noch iemant anders uon vnsern wegen nihcz dorauf zu sprechen haben, uon chainerla/y sachh wegen, in chain weiz, weder mit reht noch an reht, denn ob si vnz uon besundern gnaden iht t/aten. Dez zu waren vrk/und geben wir in den brif besiglt mit dez erbern, vesten mans Erharcz Pemfelderz insigl vnd mit Vlrichz Golnhuters sigl, die daz durch vnser fleizzig bet doran gelegt haben, in vnd irn erben on schaden. Der pet vmb daz insigl sind zeugen: Chunrat Awer uon Sehofen, Perchtolt Aurunk uon T/omling vnd ander erberg la*wt gen*ug. Datum anno domini Mo CCCo LXXXX septimo feria quinta ante purificacionem Marie beate virginis.