Charter: Urkunden Knochenhaueramt B IV 6-2
Signature: B IV 6-2
Add bookmark
Edit charter (old editor)
1464 März 6
Auf einem von Hermann Wolf und Herbert von Rautenberg vermittelten Termin im Hof des Bischofs versuchen Bischof Ernst von Hildesheim und Vertreter der vier Ämter den Streit zwischen Henning Löbke und den Knochenhauern am großen Markt, welchen ersterer sogar vor das Stadtgericht gebracht hatte, beizulegen. Henning Löbke verlangt, wieder in sein Amt und Stelle eingesetzt zu werden, aus welchen ihn die Knochenhauer unrechtmäßig enthoben hätten. Da dies nicht in die Kompetenz des Bischofs und der anderen Ämter fällt, weigern sich die Knochenhauer, auf diese Art der Anschuldigung zu antworten, Henning Löbke bricht daraufhin den Vermittlungsversuch als sinnlos ab. Material: Pergament
Dimensions: 25,6 x 16,2
Wy Ernst van goddes gnaden bischop to Hildensem bekennen openbar in dussem breve vor alsweme, dat unse leven getruwen de knokenhawer uppe dem groten markede to Hildensem unse ampt unde Hennig Lobeke, des amptes ledemate, unse borger to Hildensem, ore sake, schell unde gebreck, darumme Hennig Lobeke vorgenant de erbenomden knokenhawer unde itwelke personen ores amptes hadde to gerichte vor de loven to Hildensem geladen, des sek de knokenhawer vor uns beklageden, unde wy do myt den beyden parthen dorch heren Hermen Wulffe unde Herberde van Rutenberge in sunte Lucien avende negstvorgangen uppe dem Berge vor Hildensem vorhandelen leten, dat se de ore sake an beyden syden an uns unde unse vere ampte to Hildensem stalden, se darover na schulden unde antworden in rechte to schedende, so sint se an beyden syden darumme dalling am dinxdage na dem sondage Oculi vor uns unde unsen ver ampten in unsem hove to Hildensem gewesen, dar Hennig Lobeke vor sinen schulden hefft seggen laten, dat wy de knokenhawer vorbenomt vormogen unde darto bestellen wolden, dat se one in sin ampt unde stede wedder setten unde sine geborliken plicht geven wolden, daruth se one sunder gerichte unde recht unde unvorwunnen myt sulvesgewalt gesat, berovett unde vorbeholden hedden, dat doch also nicht besproken noch in solker mathe an uns unde unse ver ampte gestalt was. Darup de knokenhawer antworden, den sage entstunden se so nicht to, sunder wolde Hennig Lobeke se beschuldigen, se wolden om antworden in mathen, so se de sake an beyden syden an uns unde unse ver ampte gesath hedden. Darup Hennig antworde, alse vormochte des nicht gesin, so danckede he uns unde unsen ver ampten unde wart des vor uns unde one also nedderfellich. Darup uns do de knokenhawer umme dusse unse bewysinge beden on to gevende, dem wy umme oren bede wyllen so gerne gedan hebben, unde des to orkunde unse ingesegele hyrnedden angehenget heten, gegeven na goddes bort Verteynhundert jar darna in dem verundesestigesten jare, ame dinxdag na dem sondage Oculi.
Language:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}