Wy de rad der Nygenstad vor Hyldensem bekennen openbare in dussem breve, dat vor uns quam Hermen Schrader unde bekande vor sek unde syne erven, dat he gelaten unde vorkofft hebbe to eynem rechten ervekope syne halve echterhus im hove belegen twysschen dessulfften Hermen Schraders halvenschüere unde unde Bartelt Duvels hove, Bertelde Düvele unde synen erven. De erbenomde Hermen Schrader hefft vorthmer vortegen unde rechte vorticht gedan des vorgeschreven huses, blekes unde woninge vor sek unde syne erven myt vortichte alles rechten, des he unde syne erven daranne hadden unde in jenigerleye wys bereden mochten, in unser jegenwardicheit myth hande unde myt munde; unde de wanth in dem echterhuse, dede de beyden echterhuse scheydet, de schullen se to beyden perten in beteri holden, wen des der wath noth unde behoff ys, unde moghen der ock to beyden parten bruken, eyn yslick sunder des anderen vorbedent. To bekantenisse dusser vorgeschreven stucke hebbe wy erbenomde radt unser stadt ingesegel an dussen breff gehenget heten, na der bordt Christi unses heren Veffteynhundert jar darna in dem vefften jare, am dinxstage na sunte Lucas dage etc. lb lb Ludeke Erxsleff, lb Hermen Gnadt. lb lb NB: Auf der Rückseite der Weiterverkaufsvermerk: Henning Block verlath Corde Likevett und Cord Likevett alsobaldt verlath Ludeken Boden. 25. November anno 73.