Wi de radt der Nienstadt vor Hildesheim bekennen hirmit openbar, datt vor uns ist erschenen Catharina Eykbomes, bekande vor sich und ohre erven, datt se gelaten und tho einem rechten ervekopes verkoft hebbe ohr hus und hoiff sampt der gantzen woninge und thobehoringe als dar tho gehorett in der Hernstraten twischen Davidt Keisers und Hanse Niekerck husern und woningen belegen, Michael Hoppener und sinen erven. De vorbenente Catharina Eykbomes heft vorthmehr vortegen und eine rechte vorticht gedan des vorgeschreven huses, bleckes und woninge mit vortichte alle des rechten, so se und ohre erven daranne hadden und bekreftigen konden, mitt hande und munde in unser jegenwordicheett, alles tho handt und behove Michael Hoppenern und sinen erven. Des in orkunde hebben wi unser stadt ingesegel an dessen breff heten hangen /:jedoch beholden de kistenhern S. Lamberti tein stige pundt geldes an dessem huse:/, im jare nach Christi geburt Dusent viffhundertt sesundseventig, dinsdages nach Chiliani. lb lb Hans Barteldes, lb Reineke Hoff. lb lb NB: Auf der Rückseite der Weiterverkaufsvermerk: Michel Hoppener f. verlath Christoffer Johan anno p. 81, mandages nach Misericordias domini.