Wi de radt der Nienstadt vor Hildesheim bekennen hirmitt openbar, datt vor uns sin erschenen Jasper und Clamer Meiger gebrodere, bekanden vor sich und ohre erven, datt se gelaten und tho einem rechten ervenkope verkoft hebben ohre boden sampt dersulvigen thobehoringe und gerechtigkeitt als dar tho gehorett up der Goslerschen straten allernegest ohrem huse und Jost Othmers woningen belegen, Harmen Haverlae und sinen erven. De vorbenente Jasper und Clamer Meiger hebben vorthmehr vortegen und eine rechte vorticht gedan der vorgeschreven boden, hoves, bleckes und woninge mitt vortichte alle des rechten, so se und ohre erven daranne hadden und jennigerleiwise bekreftigen konden mitt hande und munde in unser jegenwerdicheitt, alles tho handt unnd behove Harmen Haverlae und sinen erven. Des tho bekantenisse hebben wi unser stadt ingesegel an dussen breff laten hengen, im jhare nach Christi unsers hern geburtt Dusentt viffhundertt sevenundseventig, donnerdages in den hilligen Ostern. lb lb Jurgen Jurgens, lb Hinrich Potthoiff. lb lb NB: Auf der Rückseite der Weiterverkaufsvermerk: Harmen Haverlae vorlath Bartelt Betichen.