Wi de rath der Nienstadt vor Hildesheim bekennen hirmitt openbar, dat vor uns ist erschenen Albert Mollenbeck, bekande vor sich und sine erven, dat he gelaten und tho einem rechten ervekope verkofft hebbe sin hus und hoif sampt der gantzen woninge und thobehoringe als dar tho gehorett up der Ketlerstraten tweischen Henni Olvens und der Hagemenschen husern und woningen belegen, Harmen Wullenwever und sinen erven. De vorbenente Albertt Molenbeck heft vorthmer vortegen und eine rechte vorticht gedan des vorgescreven huses, bleckes und woninge mitt vortichte alles rechten, so he und sine erven daranne hadden und jennigerleiwise bekrefftigen konde mitt hande und munde in unser jegenwordicheitt, alles tho handt und behove Harmen Wullenwevers und sinen erven. Und de wende up beiden halven dusses huses mag de besitter dusses huses mede gebruken und beteren helpen, wen des noth und behoif ist. Dusses tho bekantenisse hebben wi unser stadt ingesegel an dussen breff laten hengen im jare na Christi geburtt Dusent viffhundertt veerundseventig, dinsdages nach Vocem jucunditatis. lb lb Hans Barteldes, lb Reinecke Hoff. lb lb NB: Auf der Rückseite der Weiterverkaufsvermerk: Harmen Wullenwever verlat Corde Haver, martis post Michaelis anno 76. Hans Plas.