Charter: Urkunden Dompropstei (1333-1597) A VI 15 [1]
Signature: A VI 15 [1]
Add bookmark
Edit charter (old editor)
1502 Januar 3
Stiftsherr Bernardino Buzini in Albin und Jean Andre aus Fayence, Prokuratoren von Juan Castellar (y de Borja), Erzbischof von Trani und Dompropst in Hildesheim, geben dem Hildesheimer Bürgermeister Henning Brandis eine Anwartschaft auf das Lehen, das derzeit Jobst Lüsske besitzt, nämlich die Vogtei und 30 neue Hildesheimische Schillinge am Eselsstieg sowie die Vogtei und achtunddreißigeinhalb neue Hildesheimische Schillinge im Brühl. Material: Perg.
Dimensions: 31,5 x 7,4 cm
Wy Bernhardinus Buzini canonick to Albin unde Johannes Andree van Faventz, des erwerdigesten in god vaders unde hern hern Johannis Castella, ertzebischoppes to Trane unde domprovestes to Hildenßem, unses gnedigesten herren fulmechtige procuratores unde anwalde bekennen openbare in unde myt crafft dusses breves, dat wy belenth hebben uth der fulmacht van wegen gedachten unßes gnedigesten herren den ersamen Hennigk Brandis, borgermester tho Hildesem, myt der vogedie up dem Ezelstige unde myt dertich nigen Hildensem schillingen darsulvest, myt der vogedie in deme Brule unde negedehalven nigen Hildensem schillingen unde dertich ervestinßes, unde myt allen anderen rethen [!], rechticheyden unde tobehoringen bynnen unde buthen Hildensem, nichtes uthbescheden, de nu tore tyt Josst Lußken van synen gnaden unde domprovestie to lene drecht, in dusser wise, alse wan na dem willen goddes Josst Lußke van dodes wegen vorfelle sunder manerven, dat denne gemelte Hennigk Brandis van stunt belent sy, denne alse nu, nu alse denne, ane alle geferde, so sick in lensrechte unde gedinge wontliken gebort, unde obgemelte unse gnedigeste here scal dem upgenanten Hennigk Brandis der gudere, lens unde gedinge, sin rechte bekennige here unde ware weßen, wanner ome des noet unde behoeff unde van synen gnaden geeschet worde. Des to orkunde hebben wy unses gnedigesten heren vorbescreven ingezegel witliken gehenget an dussen breff na goddes borth Veffteynhundert jar unde twe, ame mandage na des hilgen Nigen Jares dage. ||
||
Bernardinus procurator prepositi manu propria. ||
||
Johanes Andreas manu propria.
||
Bernardinus procurator prepositi manu propria. ||
||
Johanes Andreas manu propria.
Language:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}