Charter: Urkunden Hochstift (1225-1662) A I 13 [3]
Signature: A I 13 [3]
Add bookmark
Edit charter (old editor)
1485 März 10, Rom St. Peter
Bischof Julianus von Ostia (Giuliano della Rovere, später Papst Julius II.), Verwalter der päpstlichen Pönitentiarie, beauftragt den Bischof von Hildesheim oder seinen Stellvertreter, den Brautleuten Heinrich Breyer junior und Adelheid, Witwe von Ludolf Harlessem in Hildesheim, in päpstlichem Auftrag Dispens vom Ehehindernis der Verschwägerung im 4. Grad zu erteilen. Material: Perg.
Dimensions: 33,0 x 18,8 cm
Venerabili in Christo patri .. dei gratia episcopo Hildesemensi vel eius vicario in spiritualibus Julianus miseratione divina episcopus Ostiensis salutem, benedictionem et sinceram in domino caritatem. Sedis apostolica providentia circunspecta nonnunquam rigorem iuris mansuetudine temperat et quod sacrorum canonum prohibent instituta de gratia benignitatis indulget, prout personarum et temporum qualitate pensata, id in deo salubriter expedire cognoscat. Sane ex parte Henrici Breyger iunioris, laici, et Alheydis relicte quondam Ludolfi Harlsem mulieris, Hildesemensis, nobis oblata petitio continebat, quod ipsi ex certis rationabilibus causis desiderant invicem matrimonialiter copulari, sed quia quarto affinitatis gradu invicem se attinent, ex eo proveniente, quod dictus [Lu]dolfus primus dicte Alheydis maritus du[m] viveret prefato Henrico quarto consanguinitatis gradu erat coniunctus, des[iderium] eorum in hac parte adimplere non possunt, dispensatio[ne] apostolica super hoc non obtenta, q[u]are supplicari fecerunt humiliter iidem [quer]entes, eis super hiis per sedem predictam de oportune dispensationis gratia misericorditer provide[ri. N]os itaque eorum in hac parte supplicati[onibu]s inclinati, auctoritate domini pape, cuius penitentiarie curam gerimus, et de eius speciali mandato super hoc vive vocis oraculo nobis facto c[ircumsp]ectioni vestre committimus, quatinus si est ita cum ipsis exponentibus, quod impedimento affinitatis huiusmodi, quod ex dicta consanguinitate pro[ve]nit, non obstante, libere valeant inter se matrimonium contrahere et in eo, postquam contractum fuerit, licite remanere, misericorditer dispensetis, dummodo dicta mulier propter hoc ab aliquo rapta non fuerit, prolem suscipiendam exinde legitimam decernentes. Datum Rome apud Sanctum Petrum sub sigillo officii penitentiarie, VI. idus martii, pontificatus domini Innocentii pape VIII. anno primo. ||
||
[Registraturvermerke] [links unter der Plica] Fr. Roseptanitis sa pro...butis in officio. S. Caramelli. ||
[rechts auf der Plica] Pr. de Ursis. ||
[auf der Rückseite] .. vendestario. Jo. Guillermin.
||
[Registraturvermerke] [links unter der Plica] Fr. Roseptanitis sa pro...butis in officio. S. Caramelli. ||
[rechts auf der Plica] Pr. de Ursis. ||
[auf der Rückseite] .. vendestario. Jo. Guillermin.
Language:
Places
- Rom St. Peter
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}