Charter: Urkunden Hochstift (1225-1662) A I 16 [1]
Signature: A I 16 [1]
Add bookmark
Edit charter (old editor)
1504 September 2
Bischof Johann IV. (von Sachsen-Lauenburg) von Hildesheim belehnt den Hildesheimer Bürger Hermann Westfahl mit drei Hufen auf dem +Oldendorper Feld vor Hildesheim und zwei Hufen in Drispenstedt, so wie er sie zuvor schon vom Stift zu Lehen hatte. Material: Perg.
Dimensions: 22,0 x 8,6 cm
Wy Johan van gots gnaden bestedigede her des stiffts to Hildesem, hertoge to Sassen, Engern unde Westvalen, bekennen openbar in dessem breve vor uns unde unse nakomen, bisscuppe to Hildensem, dat wy belehnet hebben unde belehnen jegenwordighen in crafft desses breves to eynem rechten ervemanlehne Hermen Westvale, borger to Hildensem, alse den eldesten to ziner unde ziner veddern behuff mit dren hove landes belegen uppem Oldendorper velde vor Hildensem unde mit twen hove landes to Drispenstede mit alle oren rechticheiden unde tobehoringhen, wor de beleghen zin unde wo men de benomen mach, nichts darvan utbescheiden, in aller mathen, so he dat sulfftige gudt mit ziner gerechticheit unde tobehoringhe tovorn van unsem vorfaren to lehne gehat, unde wy willen desses gudes unde lehnes zin rechte bekennige her unde ware wesen, wor unde wan des van nod unde behuff is unde van uns geesschet wert ane geverde. To urkunde unde bekantenisse hebben wy unse ingesegel witliken don hangen an dessen breff nach Cristi unses hern gebort Dusent viffhundert unde veer jar, am mandage na Egidii.
Language:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}