Wir Friderich von Godts Gnaden Bischoff zu Hildesheim, Erbe zu Norwegen, Hertzogk zu Schleswigk-Holstein, Stormarn und der Dittmerschen, Graff zu Oldenburgk und Delmenhorst, bekennen vor uns und unser Nachkhommen und sonsten idermenniglichen, das wyr dem ersamen unsrem lieben Getruwen Tile Brandes, Bürgermeister, sampt seynen Gebrüdern mitt eyner Hove Landes und eynem Hofe ihm Dorpe und up dem Vhelde tho Schelderte belegen, item noch mitt dren Hove Landes belegen up dem Felde vor dem Dorpe Sosern under Hohenhamelln, item noch fünff Morgen Landes up dem Felde tho Drispenstedtt belegenn, und sos Hildesheimische Schilling, item mitt dren Hove Landes und allen Thobehorung an deme Wigennberge vor Hildesheim belegen, so etwa die Vernevesen zu Lehen gehabtt haben, und willen gedachtem Tile Brandes des Lehens rechte bekennige Her und Whare wesen, wor unnd wan ehm des vannoden is und van uns geeschett werth, ane alle Geverde, und hebben des zu Urkunde unser fürstlich Secret hie unden wisentlich hengen lasen, datum uff unsrem Haus Peien, den 17. Decembris Anno Domini LIIII etc. ||
||
[Autograph:] Friderich.