Wyr Johannes Abt des Klosters Sancti Michaelis in Hildenscheim bekennen unnd thun kundt in und mit diesem Brieffe vor unß unnd unsere Nachkhomenn, das wir hobenn belehnet und belehnen jegenwordigenn inn unnd mit Crafft dieß Brieffs zu einem rechten manstadigenn Erflene denn ersamenn und fursichtigenn Joachim Brandeß, Burger zu Hildenscheim, alse denn oldestenn mit Zubehueff seiner Bruder unnd Gefetterenn mit vier nien Hildenschemischen Schillingenn auß dem Fronennzinse zu Hildenscheim, unnd wir willenn ime sodaner Belehenunge sein bekennige Here und Werende wesenn, wann ime daß nodich unnd behueff iß unnd geborlicher Weise vonn unß geeschett unnd gesocht wirdt, und hey schall unß und unsers Closters Guderenn und Personenn getreuwe unnd holdt seinn, alse hey deß vonn wegenn der Belehenunge schuldig und pflichtich iß. Dieß in Orkundt hoben wir diesen Brieff mit unserem hirunden angehengetenn Ingesegell bevestiget, gegebenn nach Christi unsers liebenn Heren unnd Selichmachers Gebordt im Funftzehenhundersten achtunndsechtzigesten Jarenn, denn zwanzigesten Julii.||