Wir Johannes Abtt des Cloisters St. Michaelis in Hildensheimb bekennen offentlich mit diesem Breive jegen allermenniglichen, das wir haben zu einem rechten manstadigen Erflehen und in Volmacht belehnet unnd belehnen jegenwertigen in und mit Craft dieses Breives den ernvesten unnd hochgelahrten Johan Brandes, beider Rechten Doctorn unnd Bürgern zue Hildenßheimb, ahn Stade Barwertt Brandes alse den Eldesten ihres Geschlechts der Brandes zue Mitbehueff ihrer Brüder unnd Vetternn unnd ihren allerseits menlichen Leibes-Lehenserben mit vier neuwen Hildeßheimschen Schillingen auß dem Fronenzinse zue Hildenßheimb, so seine Eltren und Voreltern die Brandes von unser Ebtie zue Lehen getragen, unndt wir willen ihme sothaner Belehnunge ihre rechte bekennige Herrn unnd Wehrende wesen, wen ihme des Noedt unnd Behueff ist unnd gebürlicherweise von uns gefürdertt wirdt, unndt ehr soll uns unnd unserm Cloister unndt Personenn getreuw unnd holdt sein, alse ehr dessen wegen der Belehnunge schuldig unnd pflichtig ist. Deß zue ferner Urkunndt haben wir unser Ebttey Ingesiegell wissentlichenn ahn diesen Brieff lassenn hengenn, gegeben nach Christi unsers lieben Herrnn unnd Salichmachers Gebuerdt im Sechszehenhundersten unndt fünfften Jahre, den 18. Julii.||