Charter: Urkunden St. Michael (1001-1801) A VIII 9/1
Signature: A VIII 9/1
Add bookmark
Edit charter (old editor)
1531-05-28
Abt Hermann des Michaelisklosters in Hildesheim belehnt Tilo Brandis, Sohn des verstorbenen Henning Brandis, Bürger in Hildesheim, mit vier neuen Schillingen aus dem Fronzins in Hildesheim, die dem Kloster durch den Tod von Dr. Hans Brandis heimgefallen waren, und verspricht ihm dafür eine Garantie. Current repository:
Bistumsarchiv Hildesheim
Bistumsarchiv Hildesheim
Material: Pergament
Dimensions: 8,7 (links) - 9,0 (rechts) x 25,3 (oben) - 25,6 (unten)
Wy Harmenn abbet des stichtes tho sunte Michele bynnen Hildensem sunte Benedicti ordens bekennen openbar in dussem breve vor alsweme, dat wi belenet hebben unde belenen ieghenwordigen in unde mit crafft dusses breves tho eynem rechten manstadigem erfflene Tilen Brandis dem eldesten, Henning Brandis zeliger sone, borger tho Hildensem, mit veer nygen Hildensemschen schillingen uthem fronentinse bynnen Hildensem, de uns dorch den doet unde affganck doctor Brandis zeliger, Hans Brandis zeliger sone, vorlediget weren, unde he schal unsem stichte, guderen unde personen, truwe unde holdt sin, alse he van der leenwaringe plichtich is. Unde wi willen dem upgemelten Tilen Brandis dusser leenwaringe sin bekennige here wesen vor aller rechten ansprake, so vaken ome des noet unde behoff is unde gheborlikerwys van uns gheesschet wert. Dusses tho merer orkunde unde tuchnisse hebbe wi unse secret witliken an dussen breff don hengen, de ghegeven is in dem yare unses heren Veffteinhundert in dem eynendrittigesten jare, in deme hilgen Pynxsten.||
Language:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}