Charter: Urkunden St. Michael (1001-1801) A VII 20
Signature: A VII 20
Add bookmark
Edit charter (old editor)
1197
Abt Dietrich II. des Michaelisklosters bezeugt, dass der Ministeriale seines Klosters Burkhard von Essem von Frau Hedwig von Rodent, Domministerialin, und ihren Söhnen Gerung, Siegfried und Ekbert 22 Joch Land und eine Hofstelle in Essem gekauft und dem Kloster zu Lehen aufgetragen hat. Falls er und seine Frau ohne legitime Erben sterben, so soll das Gut zu gleichen Teilen an die Tochter von Burkhards erster Frau Reinswith und den Sohn von Mechthild kommen; falls diese ebenfalls ohne legitime Erben sterben, so fällt es dem Kloster heim. Current repository:
Bistumsarchiv Hildesheim
Bistumsarchiv Hildesheim
Material: Pergament
Dimensions: 16,2 x 17,6
In nomine sancte et individue trinitatis Theodericus miseracione divina monasterii sancti Michahelis in Hildenesheim abbas. Noverit universa tam presentis temporis quam futura in Christo fidelium generatio, qualiter ministerialis ecclesie nostre Burkardus de Esseym a quadam matrona Hethewige nomine de Roddenth ministeriali sancte Marie, pariter et a filiis eius Gerungno, Sifrido, Ecberto XXII° iugera cum area in eadem villa sita, quae eis legitima successione loco patrimonii cesserant, nullius obstante contradictione, comparaverit. Qui Burkardus iam dictum patrimonium nostra inductus ammonitione ecclesie nostre contradidit sub hac forma, ut ipse et post obitum eius uxor et filii a nobis idem iure feodi teneret. Nos autem, rationabili eius petitioni adquiescentes, ei et uxori eius et filiis memoratos agros in beneficium concessimus, hac interposita pacti ratione, ut si defuerint qui heredibus suis legitima generatione succedant ipsum beneficium in filiam Reynsvithis, que prima ei uxor fuit et nostra ministerialis, et in filium Mecthildis transeat ita dumtaxat, ut partem beneficii filia Reynsvithis iure ministerialis et filius Mecthildis partem aliam ominii loco recipiat. Quod si defuerint filii qui et ipsis legitime succedant, idem patrimonium ecclesie nostre libere vacabit. Ut autem hec rata et inconvulsa permaneant, nos in testimonium ipsius actionis presentem paginam conscribi fecimus et inpressione sigilli nostri roboravimus. Huius donationis et actionis testis sum ego Theodericus huius cenobii abbas decimus, nominis autem secundus. Testantur et Heinricus prior, Cono prepositus, Nicolaus cappellanus, Bertoldus, Frithericus conversi, Rodolfus de Dalem, Eustacius eiusdem ecclesie advocatus, Hildebrandus de Drisminstide, Hermannus frater pincerne, Hildebrandus de Embrecke, ministeriales sancte Marie, Frithericus de Stidim, Fridericus de Helperde, Heinricus de Rothe, Thidericus, ministeriales sancti Michahelis, Reinnoldus de Hottheneym, Frithericus, Constantinus, milites, et alii quam plures. Acta sunt hec anno dominice incarnationis Millesimo C°LXXXX°VII°, ordinationis autem domini Theoderici huius cenobii reverentissimi abbatis anno XVII°.||
Language:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}