Johannes dei et apostolice [sic] gratia episcopus ecclesie Misinensis, in pontificalibus vicarius generalis reverendorum in Christo patrum dominorum duorum Magni Hildensemensis et Alberti Mindensis eadem gratia ecclesiarum episcoporum, omnibus presentibus nostras litteras visuris seu audituris salutem in eo, qui est omnium vera salus. Cupiens monasterium sancti Michaelis Hildensemensis congruis horibus frequentari, nichilominus omnes in Cristum credentes ad devocionis et caritatis opera invitare, quotiens inde reddantur divine gratie apud corpores, omnibus igitur vere penitentibus et confessis, qui dictum monasterium ob reverentiam venerandissimarum reliquiarum ibidem existentium devocionis causa visitare studuerint seu ad monasterii necessaria manus porrexerint adjutrices necnon signum, quod ibidem traditur, affectu non ficto sed presentis inspiratione receperint, de omnipotentis dei misericordia et beatorum Petri et Pauli apostolorum eius auctoritate confisi quadraginta dies indulgentiarum de iniunctis eis penitenciis in domino misericorditer relaxamus. In cuius rei testimonium sigillum nostrum presentibus duximus appendendum, datum anno domini Millesimo quadringentesimo quadragesimo primo, in vigilia sancte Marie Magdalene.||