Inn dem Nhamen des Hernn amen. Allenn unnd idernn, so dis offene Instrument sehenn, lesenn unnd horenn lesenn si kundt unnd offennbar, das ihm Jar nha Christi unnsers Hernn unnd Selichmachers Geborth als man schriebe den Ringerntzall neununndfunfftzigk, ihnn der anndern Indiction, ahm Dinxdage wellicher whar der drudde Dach des Monts Maii, Pauwestumbs des hilligestenn ihn Godt unnsers Hernn Hernn Pauli des veerdenn ihnn sinem verdenn Jar, sein vor my offenenn Notarienn inn nedennbeschribenenn gelaubwirdigenn Tzeugenn Jegenwordicheitt personnlich erschenenn de ersame, vorsichtige unnd dogennthsame Anndreas Vinckennstein, Kemerer ihm Dhome tho Hildennsem, unnd Ilsebe sin eheliche Haußfrouwe, gesundes Lives, wowoll mith Older beladenn, dennoch guder Vornufft unnd Sinnen, unnd hath bemelther Anndreas vor sich unnd vonn wegenn seiner Hußfrouwenn unnd mith dersulvigenn gudenn Wissenn, Willenn unnd Fullborde friwillige vorgebracht unnd gesecht, wassergestalt se semptlich mith wollbedachtem Mhode unngedrungenn vonn dennjennigenn Gudernn, so inhe Godt der Almechtige vorlehentt, hirbevornhe ahm vorganngenn siebennunndfunfftzigstenn Jare ahm tweundtwintigstenn Dage des Monts Junii eine Ordenunge, Satzunge unnd Testamente orhes lestenn Willens luth unnd inholde eins offenenn Breves dorch inhen Anndreeßenn Vinckennsteine mith siner eigenn Hanndt geschriebenn unnd durch obenngemelthe seine Haußfrouwenn, auch siebenn dartzu sonnderlichenn geforderte unnd gebedene Tzeugenn zur vhestenn Halltunge unndergeschrevenn unnd vorsegellt, gemachett unnd auffgerichtett. Inn wellichem Testamente alle Dinge miht vorordentt hettenn, who se itziger Tzeidt zu doinde einhelligen vorgenhomenn, derhalbenn se begerennde wherenn, dasjennige, was se zu Troste irher unnd aller Cristenn Szelenn, auch zu Lobe unnd Erhen des Allmechtigenn, Gedye, Nutz, Fromen unnd Bestenn irher armenn Frunde, wile se noch semptlich tzimlicher Leibsgesundtheit unnd guder Sinnen unnd Vornufft vonn Godts wegenn wherenn, inn Schrifftenn zu vorfassenn lassenn, unnd obgerurter irher beider vester Wille unnd Testament ihnn siner Krafft alles bleibennde codicillando et dicto testamento addendo, hath gemelter Andreas Vinnckennstein constituert nebenn unnd vonn wegenn seiner ehelichenn Haußfrouwenn unnd mith orhem gudenn Willenn unnd alles zu beider Bestenn aus wollbedachtem Gemuthe wu vorgemelth gesagett unnd erklerett, das se sich de Macht vorbeholdenn hetten, de dhomales zu Fullennforunge vorordenntenn Testamentarienn idertzeitt nha irher Gelegennheitt zu revociern unnd ander ahnn de Stadt zu setzen. Dewile dann de dageliche Erfarennheitt mithbringett, das vonn denn Blothvorwantenn, Freundenn edder sonnstenn der Vorstorbenenn de Negestenn sin wollenn, wes zu Trost unnd Heill der vorstorbenenn Selenn unnd sonstenn zu mildenn Werkenn vor de Armoth testamentswise durch irhe Vorwannten, Freunde gemachet unnd ordineret zum weinigsten oder nichts gehalltenn wirdt, besonnder vele mher ihnn deme der Vorstorbener lester wille gekrennckett, genichtigett unnd gentzlich auch erblich dermassenn vorordennte Guther zueigenennn mogenn sich zum hogstenn befleissigenn, darumme aus der unnd dergeleichenn, auch anderenn wichtigenn ihn iren Gemuthenn zu allenn Teilenn bewechlichenn Ursachenn, idoch mith vorgehennder offenthlicher Protestation unnd Bedingunge, das se dorch dussenn irhenn kegenwerdigenn unnd den neddenn vortzeichenetenn Actum vonn denn Buchstabenn des irhes obgerurtenn lestenn Willenns unnd Testamennts noch jennigenn Stucke darinne vorlibett nicht abtredenn wollenn, besonnder sodhane ihr Testament ihn allenn Punctenn unnd Artikelenn vullenkomenn bestenndich, richtich unnd duchtich behaltenn unnd hirmidt innovert unnd vornuwet wollenn habenn. Hebbenn se sich semptlich einhellich unngetwungenn unnd unngedrungenn enthschlossenn, ihn obgemelthem irhenn Testamente vorordente Testamentarien ihnn der bestenn Gestalt, Masse unnd Wise, so sollichs Rechts wegenn geschein kann unnd mach, zu revoceren, whu se desellbigenn alle innthsampt kegenwertich revociren unnd widerruffenn, inhen aller Gewalt unnd Macht derwegenn zu Fullenforunge des Testaments gegevenn offenthlich enthsetzett unnd genhomenn wollenn habenn, who se auch inhenn de Macht nhemen unnd derselbigenn enthsetzenn, unnd darmith ihr Testament ihn de Ehr des Almechtigenn unnd zu Troste der armen iren Frundenn unnd irhenn Selenn Selicheit geordennt unnd gemachet ewichlich also mochte gehaltenn unnd fullennforet werdenn. Des habenn se geleichergestalt ihn der bestenn Masse, Wiße unnd Gestalt, so se semptlich unnd sonnderlich vonn Rechts wegen zu donde schuldich unnd plichtich, auch ahm krefftigstenn dhoin konnenn, mogenn unnd schollenn vor mi offenenn Notarien ihn neddenbeschriebenen Getzeugenn Kegenwerdicheit zu ewichwherennden, vullenkomen, warhafftigenn unnd vor ungetzwifelte Testamentarien unnd Executorn, obgemeltenn irhenn lestenn Willenn unnd kegenwerdich Codicill zu exequerende geordenet, gesetzett, gemachet unnd deputert, ordenenn, setzenn, machenn unnd deputeren de wirdigenn unnd ehrhafftigen gemeinen Vicarienn der Thumkirchenn zu Hildennsenn folgennder Gestalt unnd Wise, das se ahnnfencklich sich de Macht willenn vorbeholdenn, einenn uth denn gemeinen Vicarienn tho nomineren unnd derwegenn denn wirdigenn unnd erhafftigenn Hernn Carolum Fuertagk gerhorter Thumbkirchenn Vicarium dhoin nominerenn, denn se auch de Tzeit seines Levenndes unnd so lannge ehr Vicarius blivett darbi willenn behaltenn und vorordenth habenn. Wenn aber desulvige nha Schickunge des Almechtigenn Dodes halbenn abginge edder sonnstenn sich aus der Gemeinschafft der Vicarienn unnd des Communes abtzoge, unnd seinenn Standt bi einer andern Kirchen oder sonnstenn ihnn einenn welthlichenn voranndernn worde, in dem Fall schall omhe de Gewalth der Execution berhortes Testaments entzogenn sein unnd de berhortenn gemeinen Vicarienn sampt denn anndernn noch lebenndigenn Testamentarien schullenn semptlich einenn andernn Vicarium, so from, godtfruchtich unnd uprichtich unnder inhenn befundenn, ahnn seine Stadt, unnd also offte ein Vicarius vorstirbt, einenn andernn geleichermassenn ahnn des Stadt zu eligern unnd zu setzenn vullenkomenn Macht unnd Gewalth habenn, vor das erste. Zum andern den ersamenn Hanse Vinckensteine, des Mithconnstituennten Bruders Sonhe, unnd nach des Absterbenn Petrum Vinckensteine, denn se vor ein Kindt ertzogenn unnd ahngenhomenn, unnd Hanse Grothenn, der Vinckennsteinschen ohr Vedder, dar se orhe menlichenn Jare ereckedenn, einer nach dem anndernn vor Testamenntarienn schullen gesettet unnd ahngenhomenn werdenn. Aver nha der twier Falle alletidt tho ewigenn Tidenn de elde- unnd negeste Blothvorwannthe vonn denn Vinckennsteinen und so vonn der Linien hergesprossen, wenn keine Vinckennsteine mher wheren, ewichlich dartzu schullenn gelassenn unnd mithdeputert sin unnd werdenn. Zum drittenn den auch ersamen und vorsichtigenn Hennyngk Bruens, Burger der Althennstadt Hildennsem, orhen frundtlichenn liebenn Ohem, unnd nach des Abgannge alwege einenn andernn der Oldennstadt Hildennsenn Borger, so from, uprichtich unnd godtfruchtich unnder inhenn befundenn, doch sonnderlich einenn, der vonn dem Peinen Schlechte gesprossenn oder sich darmidth unnd darinn voreheligett, nach Innhalt des Testamennts, so forder deselbigenn welliche vonn derselbigenn Linienn ihnn der Altennstadt Hildennsenn vorvorger befunden. Dartho vonn denn noch levenndigenn Testamentarien alletidt ihnwendich eines Mantes Frist schall genhomenn unnd vorordennth werdenn. Zum verden und lestenn, de ersamenn unnd vorsichtigenn de dre des Dhomcapittels zu Hildennßem Kemerer dergestalt, das desulvigenn dre semptlich ewichlich zu Handthabunge unnd Beschutzunge des offtberhortenn Testaments darbi vor ewige Testamenntarienn schollenn blivenn, zugeleich unnd semptlich des Testaments sovele geniessen, alse der obenngemelthenn Testamenntarienn einer, wu de tzwei Kemerer onhe ihm Lebennde, nomplich Peter Brunn unnd Harthmann Polleis solliches vor irhe Personenn zu doinde, zu halthenn unnd dem also sampt irhem zukumfftigen Gesellenn nachzulebenn, gedachtem Anndreas Vinckennsteine unnd seiner Haußfrauwenn Constituenten hirbevornhe ahnngelobet habenn, alle zugeleich, abwesennde alse offt se kegenwerdich wherenn, gabenn obgemeltenn irhenn ewigenn Testamentarien gelicke vullennkomene Gewalth unnd Macht, irhenn lestenn Willenn vormoge unnd inholt dessulvigenn ihnn allenn Punctenn unnd Artickelenn tho exequerende, zu fullenfhorende, auch mith allenn und jeden Personen, darmidt se de Constituenten ihnn irhem Leben semptlich unnd nach irher eins unnd beider Dode sunderlich zu doinde unnd zu handelennde gesath, vonn Außgabe unnd Ihnnhame sich zu berechenn, unnd was se rechtmessiger Schult schuldich zu sein befundenn, sollichs vonn irhenn nhagelassenn Gudernn zu vorrichtenn unnd zu betzalenn, unnd whes inenn nach- unnd zustendich befundenn, innzumhanende unnd darvon purlich zu quiterennde, sich auch mith alle denenn, so mith onhe sampt unnd sonnderlich unnd sonnstenn wegenn des Testaments zu doinde edder jennige Ahnsprache zu habenn vormeinedenn, who sollichs obberhortenn Testamenntarien ahm bestenn unnd fuchlichstenn gerhadenn wirdt sein, ihn Freundtschafft oder zu Rechte bitzuleggennde, zu vordragenn unnd auszufhorennde, ihn ein oder mher willkorige Richter, Compromissarios genant, zu bewilligenn, Pacta, Transactiones unnd annder Vordrechte zu machenn, deselbigenn bi Pene zu confirmeren unnd mith gewhonnlichenn unnd bequemenn Clausulen nach Gelegennheit zu bestedigenn, auch vonn deme, so se wegenn des Testaments auffhebenn werden unnd alles annder zu doinde unnd zu hanndelennde, wes zu Fullennforunge gerhorts Testamennts notorfftichlich sich will eigenenn unnd geburenn, cum clausula, ad omnes lites et causas motas et movendas ad agendum et defendendum mith fullenkomener Gewallth unnd Fullmacht einen anndern oder mher ahn ire Stadt zu substituerende et generaliter ad omnia dicti testamenti negotia pro tempore occurrentia cum plena, libera et omnimodo administratione. Darauff habenn deselbige obgenannte Anndreas Vinckenstein, Ilsebe sin eheliche Haußfrauwe Constituenten mir nidenbeschribenn offenenn Notario ahnn Endes Stadt ihn meine Handt ahngelobett, dabi zugesagett, alles das durch irhe vorordente Testamenntarien oder vonn denn Substituirten ihn obgemelthenn Dingenn gehanndelth unnd gedhan wirdt, wollenn se samptlich unnd sonnderlich gudtlich ahnnemen, auch se de bemelten Executoren unnd Testamentarien irhes Ampts halber schadeloes haltenn, bi Vorpfenndunge aller irher Habe unnd Guther, unnd wollenn auch berhorte Constituenten, das denn obgeschriebenen Testamentarien hirmidt gegebene Fulmacht vonn Stundt nach irher beider Dode ahngaen schall, sich auch nicht ihn einen Jar enndigen, besonder wi obenn vormeldett ewich unnd zu genntzlicher Fullenforunge des irhenn Testaments unnd aller Dinge darinn vorliebett wherenn unnd pleibenn schall. Begebe sich wegenn obgenants ires Testaments oder dises kegenwertigenn Codicilles jenniger Mißvorstandt, sodhanenn schollenn obgemelte Testamenntarien semptlich unnd sonnderlich zu declareren unnd auszulegenn vollenkomenn Macht habenn. Letzlich wollenn obgemelthe Andreas Vinckenstein, Ilsebe sin Hausfrauwe Constituenten obgerhorte irhe Testamenntarienn freundtlich unnd durch Godt gebedenn habenn, das se semptlich whu obsteidt irhenn lestenn Willenn zu exequerende und zu follenforende unnbeschwert wollenn sein, ihndeme sich zu allenn Teilenn gudtwillich ertzigenn, who se wolthenn, inhenn ihn geleicher Gestalt beschehenn solthe unnd das Lhonn vonn dem Allmechtigenn darvor neben irher geringenn vorordennten Gabe gewartenn unnd ahnnemen. Uberdys alles baethenn Anndreas Vinckennstein unnd sein eheliche Hausfrauwe vonn mir Notario eins edder mher, so offte des notich, offene Instrumente uffrichtenn unnd mithzudeilenn. Geschein sein dusse obenbeschriebene Dinge alle zu Hildennsem ihn meinen undenbeschriebenn Notarienn Behausinge im Jar, Indiction, Dach unnd Pawestdumbs wi obenn ihn Kegenwerticheit der ersamenn unndt bescheidenn Ebelinck Oppermans, Lorentz Stoffregenn, Henni Brhuns, Henrich Luhers, Borger der Stadt Hildenßenn, unnd Hinrich Schrader, Leyen mindisch Stiffts, Getzugenn hirtzu sonnderlich gebethenn, geheischet unnd gefurdertt. lb lb [Sign. Not. mit den Initialen I K und dem Motto 'Aeris alieni comes miseria']. lb lb Und wan ich Johan Kyrßberger, Clerick Hildensemschen Stiffts, von bapstlicher Gewalt offener Notarius bey allen unnd jeden Dingen hie oben geschrieben wie davorstehet, vor myr geschehen mitsampt den obgenanten Gezeugen gegenwortich geweßenn bin, der auch alßo gesehen unnd gehort, darumb habe ich diessenn jegenwortigen Brieff ader Instrument, ßo umb meiner Vorhinderung durch eynen andern, myr getreuwen, geschrieben ist, davon gemacht und ihnn dieße offentliche Form redigirt, mit meynem gewontlichen Nhamenzeigen untergeschriebenn unnd vorzeichnet. Zu Glaub unnd Urkund aller und jeder obgeschriebenn Dingenn, darzu ßunderlich erbethenn unnd geforderth.