Ego Chůnradus dei gratia dictus abbas in Reitenhaselach^a memor beneficiorum a diversis personis publice et privatim nobis collatorum statui, que nobis dominus Meingotus, Salzeburgensis^b civitatis prefectus, bona contulit, presenti cedule annotare. Dedit itaque prefatus vir illustres cum coniuge sua Diemůt nichilominus commendabili matrona ecclesie nostre quinque talenta^c in Hallensi salina in assere, qui dicitur Cholnær^d, ut anniversarius utriusque de eisdem a nobis et a fratribus nostris sollempniter perpetuo agatur et in primo anno obitus utriusque a singulis sacerdotibus missa una semel in ebdomada et una collecta, id est "Deus cui proprium^e, in missa cottidiana perpetuo dicatur neenon et post exaltationem sanete crucis XX misse a quolibet sacerdote dicantur. Insuper, quamdiu vixerint, una missa singulis ebdomadibus et XXX^a misse per singulos annos celebrentur, a singulis clericis X psalteria, qui psalterium ignorant, mille quingentis vicibus "Misere mei Deus" vel tociens "Pater noster", additis etiam singulis diebus IIII^or prebendis pauperibus distribuendis. Hec omnia pro domino Sibotone^f de Surberc in eternum agantur. Decrevit etiam, immo presenti scriptos firmissime roborari voluit, ut de predictis talentis^h duo talenta sumantur, que, in copiosos fratrum apparatus ipso anniversarii sui die per successus temporum, dum durat seculum, expendantur. Ordinavit et alia duo talenda ibidem sumenda in anniversario dilecte coniugis sue in usus tocius conventus nostri similiter consumenda, sed et quintum de sepedictis talentumⁱ cellerario nostro instituit dandum, quatinus ad serviendum fratribus suis in prefatis anniversariis alacrem eum redderet ac strenuum. Ne quis igitur successorum nostrorum^k huic tam pio tante liberalitatis proposito adversatus predictarum venerabilium personarum benedictionem mutare vel penitus annullare presumat, cartulam hanc largitatis earum testem sigilli nostri impressione ipsis id omnimodis expetentibus munitam sciat. Pretereaⁿ duas etiam curias, unam Růtheringen^l et alteram Berge vocatas, ecclesie nostre contulit. Tradidit etiam nobis et tercium predium, quod Buchen^m est dictum. Super his et huiuscemodi beneficiis ab eo nobis collatis, immo adeo sibi reservandis et in futura vita resignandis ipsi votis omnibus congratulamur, non tam datum quam dantis requirentes fructumⁿ.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 39, S. 37-38