xxx Alexander episcopus servus servorum dei dilectis filiis Adelberto abbati monasterii sancte Marie de Reintenhashel eiusque fratribus tam presentibus quam futuris regularem vitam professis in perpetuum. xxx | Religiosam vitam eligentibus apostolicum convenit adesse presidium, ne forte cuiuslibet temeritatis incursus aut eos a proposito revocet aut robur, quod absit, sacre religionis infringat. Eapropter, dilecti^a in domino filii, vestris iustis postulationibus clementer annuimus et prefatum monasterium sancte dei genitricis semperque virginis Marie, in quo divino mancipati estis obesequio, sub beati Petri et nostra protectione suscipimus et presentis scripti privilegio communimus. Inprimis siquidem statuentes, ut ordo monasticus, qui secundum deum et beati Benedicti regulam atque institutionem Cisterciensium fratrum in eodem monasterio institutus esse dinoscitur, perpetuis ibidem temporibus inviolabiliter observertur. Preterea quascumque possessiones, quecumque bona idem monasterium impresentiarum iuste et canonice possidet aut in futurum concessione pontificum, largitione regum vel principum, oblatione fidelium seu aliis iustis niodis prestante domino poterit adipisci, firma vobis vestrisque successoribus et illibata permaneant. Sane laborum vestrorum, quos propriis manibus aut sumptibus Colitis, sive de nutrimentis animalium vestrorum^b, nullus a vobis decimas exigere presumat. Liceat quoque vobis clericos et laicos e seculo fugientes liberos et absolutos ad conversionem recipere et eos sine contradictione^c aliqua retinere. Prohibemus insuper, ut nulli fratrum vestrorum post factam in eodem loco professionem absque abbatis sui licentia fas sit de eodem loco discedere, discedentem vero absque communium litterarum cautione nullus audeat retinere. Paci quoque et tranquillitati vestre paterna sollicitudine providere volentes auctoritate apostolica prohibemus, ut infra clausuras locorum seu graniarum vestrarum nullus violentiam vel rapinam, furtum committere, ignem apponere aut hominem capere vel interficere audeat. Decernimus ergo, ut nulli omnino hominum fas sit, prefatum monasterium temere perturbare aut possessiones auferre vel ablatas retinere, minuere seu quibuslibet vexationibus fatigare, sed omnia integra conserventur eorum, pro quorum gubernatione ac sustentatione concessa sunt, usibus omnimodis profutura, salva sedis apostolice auctoritate^d. Si qua igitur in futurum ecclesiastica secularisve persona hanc nostre constitutionis paginam seiens contra eam temere venire temptaverit, secundo tertiove commonita, nisi reatum suum digna satisfactione correxerit, potestatis honorisque sui dignitate careat reamque se divino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Iesu Christi aliena fiat atque in extremo examine divine ultioni subiaceat. Cunctis autem eidem loco sua iura servantibus sit pax domini nostri Iesu Christi, quatinus et hic fructum bone actionis percipiant et apud districtum iudicem premia eterne pacis inveniant. Amen. Amen. Amen.||
||
||
(R.) Ego Alexander catholice ecclesie episcopus ss. (BV.)^e||
+ Ego Hvbaldus Hostiensis episcopus ss.||
+ Ego Theodinus Portuensis et sancte Rufine sedis episcopus ss.||
+ Ego Berneredus Prenestinus episcopus ss.||
+ Ego Iohannes presbyter cardinalis sanctorum Iohannis et Pauli tituli Pamachii ss.||
+ Ego Viuianus presbyter cardinalis tituli sancti Stephani in Celio Monte ss.||
+ Ego Hugo presbyter cardinalis tituli sancti Clementis ss.||
+ Ego Matheus presbyter cardinalis tituli sancti Marcelli ss.||
+ Ego Gratianus diaconus cardinalis sanctorum Cosme et Damiani ss.||
+ Ego Matheus sancte Marie Nove diaconus cardinalis ss.||
||
Dat. Velletr. per manum Alberti sancte Romane ecclesie presbyteri cardinalis et cancellarii, id. febr., indictione XIII, incarnationis dominice anno M. C. LXXVIIII, pontificatus vero domni xxx Alexandri xxx pape III anno XXI.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 27, S. 28-30