xxx [3x: untereinander] In nomine sancte et individue trinitatis. xxx [3x: untereinander] Eberhardus dei gratia Salzburgensis archiepiscopus, apostolice sedis legatus, | omnibus presens scriptum inspecturis salutem. Cum ordinatio ecclesiarum, que nostre sunt iurisdictioni subiecte, in providencie nostre dependeat arbitrio et circa eas dispensare possimus secundum canonum instituta, prout videbitur expedire, ideo universitati tam presencium quam futurorum presenti pagina declaramus nos de parrochia Mo^eringen^a consensu et voluntate Gotfridi, qui eodem tempore eiusdem ecclesie tenebat legitime regimen pastorale, tredecim domos, scilicet in Opperch unam, an dem Houen unam, Casteige^b unam, Chopel duas^c, vf der O^ede^d unam, da zem Weishel^e unam, da zen Eichen^f unam, vfen Tazenstad unam, vf der Knukhenmer^g Ode unam, in dem Birkhehe^h unam, imme Grundeⁱ unam, Seveld unam et curiam in Wesselberch^k, que iure parrochiali ad memoratam ecclesiam pertinebant, parrochie sancte Marie in monte^l iuxta cenobium Reitenhaselach ordinis Cisterciensis^m ad petitionem abbatis et fratrum eiusdem monasterii pro eo, quod eidem ecclesie situ erant viciniores, assignavimus iure perenni. Statuentes, ut de cetero domus prefate ecclesiam sancte Marie in monte habeant pro matrice et ab ea baptismum, eucharistiam, penitenciam, sepulturam et alia ecclesiastica sacramenta requirant et cum omni iure parrochialis subiectionis obedienciam debitam eidem ecclesie exhibeant et devotam. Porro ne aliqua spiritualis secularisve persona ausu temerario hanc nostre institutionis donationem infringere aut in irritum ducere presumat, munimenta huius privilegii conscribi iussimus et appositione sigilli nostri una cum testibus subter annotatis perpetuo inviolabiliter confirmamus. Testes: Ottoⁿ prepositus, Fridericus plebanus dictus Libenzer, Chunradus burkrauius, canonici Salzburgenses; Ditricus sacerdos, Ortolfus, Vlricus, Dietmarus notarius, capellani domini archiepiscopi et alii quam plures. Dat.(^o) apud Ditmenigen^p anno incarnationis domini millesimo CC^o. XLIIlI^o, IlI^o non. augusti, indictione secunda.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 153, S. 134-135