xxx [3x: untereinander] In nomine sancte et individue trinitatis amen. xxx [3x: untereinander] Eberhardus dei gratia Salzburgensis archiepiscopus, apostolice sedis | legatus, omnibus imperpetuum. Quia generatio preterit et generatio advenit¹, filii, qui nascentur et exsurgent², narrare non poterunt posteris suis opera pietatis illorum, qui spiritu dei aguntur, hiis exhibita, qui divino sunt cultui mancipati, nisi scripto fuerint commendata. Igitur noticie tam modernorum quam futurorum inculcare volentes nos devotione solita ducti circa conventum fratrum ordinis Cisterciensis in Reitenhasela^a pro remedio anime nostre de consensu capituli nostri parrochiam Perkhirchen^b sitam inter Muldorf^c et fluvium, qui Rota^d vocatur, pro ipsorum consolatione contulisse liberaliter pleno iure imperpetuum possidendam, ita ut abbas de consilio conventus eidem parrochie in ydoneo provideat sacerdote, cui, prout ipsorum discretioni visum fuerit, prebenda competens assignetur, reliqua vero cedant ad utilitatem monasterii memorati. Ne autem super hac donatione alicui dubium oriatur, presentem cartam nostri sigilli munimine iussimus roborari. Acta sunt hec apud Frisacum^e anno domini M^o.CC^o.XLVI^o, VI^o kal. decembris, presentibus domino Vlrico venerabili episcopo Lauentino^f, domino Ottone preposito, Friderico canonico Salzburgensi, magistro Heinrico notario et^g scolastico Frisacensi, magistro Berhtoldo plebano de Lunze, Dietrico, Chunrado cappellanis et canonicis Frisacensibus, magistro Vlrico scolastico de Volkhenmarkhet^h et aliis quam pluribus; dat. Frisaci tempore supra dicto.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 169, S. 144-145