In nomine sancte et individue trinitatis. Ego^a Hermannus dei gracia dux Austrie et Stirie et marehio de^b Badem omjnibus fidelibus imperpetuum^c. Quoniam ea, que ab antecessoribus nostris ad promocionem ecclesiarum et personarum deo militancium sunt inpensa^d, et debemus et volamus non minuere sed augere, hoc ipsum feliciter adtendentes^e notum facimus universis, quod nos ob reverenciam dei et omnium sanctorum et in redempcionem peccaminum nostrorum et antecessorum necnon et successorum nostrorum ecclesie Cisterciensis ordinis in Ratenhasla^f concessam et ex antiquo approbatam libertatem et graciam innovamus, videlicet ut fratres illius ecclesie in ascensu et descensu victualia sua et alia pertinencia sibi^g in tanta per terras et aquas deferant libertate, quod nullus mutariorum aut officialium nostrorum occasione rerum eisdem fratribus pertinencium aliquam mutam seu exactionem requirere audeat aut presumat excepto iure mutariorum, quod ad valorem denariorum duodecim estimatur. Super hac igitur donacionis libertate presentem kartam insignitam karactere sigilli nostri fratribus memorati loci cum ydoneorum annotacione testium duximus porrigendam. Testes hii sunt: Leupoldus^h plebanus Winnensisⁱ, Heinricus notarius, comes Chunradus de Hardeke^k, comes Otto filius suus, Albero de Chunringe^l, Hademarus de Chunringe, Heinricus de Chunringe, Heinricus pincerna de Habespach^m, Vlricus frater suus, Chunradus de Zekinge, Chunradus de Himperchⁿ, Wluingus(^o) de Tribanswinchel, Wernhardus de Ruspach, Vlricus de Pilhitdorf^p, Rapoto de Valchenberch(q), Wernhardus et Heinricus fratres dicti Preusselini^r, Eberanus de Ebersdorf, Styr marschalcus^s et alii quam plures. Dat. Chremse(t) III^o kalendas septembris, anno ab incarnacione domini M^o.CC^o.XLVIIII^o.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 178, S. 152-153