Quia facta modernorum, nisi apicibus et testimonio fidelium et probatorum virorum roborentur, oblivioni de facili traduntur, hinc est, quod nos Gozo iudex in Chrems, qui et ius montanum possidemus, tam presentibus quam futuris notum fieri decrevimus, quod dominus Baltherus abbas in Raytenhaslach per manum nostram domum quandam in Chrems infra muros sitam aput Vlricum civem predicte civitatis, qui cognomento Pla^ettl nuncupatur, et privingnum eius Vlricum in Wyenna pro XXX^a duobus talentis comparavimus et hoc nullius contradiccione obstante. Et ne talis empcio in posterum ab ullo mortalium possit cassari vel eciam revocari, eam sigilli nostri munimine decrevimus roborari. Testes vero huius rei sunt hii: dominus Perchtoldus abbas sancte Crucis, frater Nicolaus de Raytenhaslach, frater Albertus de Alderspaeh, P[e]rnfridus decanus in Chrems, Hainricus de Radendorff, Walchv^onus W/orco, Helmvicus et frater suus Vlricus, Pilgrinus et Gotfridus^a fratres iudicis, Heinricus de Egenbvrch, Hugo der Leubes, Chunradus Rufus, Perchtoldus Ma^entelar, Arnoldus preco et alii quam plures. Acta sunt hec anno ab incarnacione domini M^o. CC^o. XLVIIllo, VIII^o idus septembris.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 179, S. 153-154