In nomine domini amen. Quoniam rerum summa paulatim deficiente ad nichilum veniet¹, quod fuit ante nihil, et mortalium | propagini per mortis excidium cadente ex omnibus nil provenit nee remanet preter sola merita, ut catholice fidei certissima ratio asseverat: "Opera enim illorum seeuntur illos"², ego Wernhardus de Vttendorf, iuste et religiose de resurrectione cogitans, contuli ecclesie sancte Marie in Raitenhaslach pro remedio anime mee et Agnetis dilecte uxoris mee matrisque ipsius, ad quarum fidelem instantiam talia facta processum habuerunt, curiam unam Mairingen nominatam cum omnibus appenditiis, eultis et incultis, agris, pratis, silvis, competis et ius piscationis in lacu, qui lingua vulgari Ydnærsê^a vocitatur, cum predio secus eundem lacum sito, cui vocabulum est Seli^eten^b, in quo piscator residentiam habebit, itemque in alio stagno, quod vulgo Herratingærsê dicitur, similiter ius piscationis, non pro tempore vel loco, sed plenariam, quando placuerit, piscandi habeant facultatem, et hec sub tali forma, ut pauperes Christi, monachi scilicet, qui in loco supradicto deo die noctuque deserviunt, exinde pascantur et nos orationibus suis domino commendare studeant. Sed quoniam per successionem temporum a memoria mortalium labuntur, que tamen fideliter sunt sanccita, ut huius facti pactio rata, firma et inconvulsa permaneat, presens scriptum quasi pro cyrografo comparantes sigilli nostri appensione pro diuturne astipulationis cautela roboravimus. Pro maiori etiam huius rei firmamento testium ydoneorum numerus infra adnotatus invenitur: Ainwicus de Salarn, Herrandus frater suus, Marquardus^c de Pfafsteten, Heinricus^d de Swîper, Æribo de Engilschalchingen^e, V^olricus de Anheim, Chvnradus zolnære, Gebhardus de Irnprehtingen, Alrammus iudex, Heinricus^d iudex de Meilchaym, Hæinricus^d de Rôr ministerialis; milites: Sifridus de Ymzingen, Meinhardus de Patheringen, Heinricus^d de Hohinmôse^f et alii quam plures, cum^g in ore duorum aut trium testium omne constare seeundum leges dicatur verbum rite promulgatum. Acta sunt autem hec anno gratie M^o.CC^o.L^o.I^o, regnante Bawarie illustri principe Ottone, sub venerabili abbate Walthero, tocius orbis atque poli monarchiam tenente domino nostro Iesu Christo, cui honor est et gloria in secula seculorum amen.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 196, S. 164-165