Suboriri solet a gestis hominum multa calumpnia, nisi lingua bonorum virorum testes adhibeat^a aut scriptura. Notum ergo sit omnibus, | ad quos presens scriptura pervenerit, quod me Heinrico^b de Harschirch^c et aliis non paucis viris fidedignis presentibus Cv^onradus de Ysin^d ecclesie sancte Marie et domino Walthero, abbati in Reitenhaslach, curiam in Berchirch^e et omnia ad eam pertinentia pro XVI libris Salzburgensis monete et XI libris Ratisponensis monete conparavit et eam per manum meam et filiorum meorum domino Philippo, Salzburgensis ecclesie arehielecto^f, a quo idem C(vnradus) eadem curia infeudatus extitit, resignavit, qui etiam de sua speciali gratia prefatam curiam supradicte ecclesie sancte Marie in Reitenhaslach perpetuo indulsit libere possidendam. Huius autem vendicionis et emptionis testes sunt: Heinricus de Gv^entheringen^g sepedicte ecclesie tunc temporis cellerarius, Saxo vicedominus de Mv^eldorf, Rv^edegerus miles de Eich^h, Albertus marscalcus de Dornbercⁱ, Fridericus de Avramingen, Cv^onradus Zvnrvde^k, Heinricus braxator de Mv^eldorf. Ut autem huiusmodi contractus nullius successoris supradicti C(vnradi) de Ysin^d inprobitate possit in irritum revocari nullaque diuturnitate temporis valeat aboleri, ego Heinricus de Harscirhc^c presentem cartam^l sigilli mei munimine roboravi. Acta sunt hec incarnati verbi anno M^o. CC^o. LI^o Mv^eldorf^m in ecclesia sancti Nycolai.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 194, S. 162-163