Hainricus de Owe, iudex de Monaco, per presens scriptum universis notum fieri cupio, quod Rudolfus dictus Hantlinus, civis de Monaco, ob remedium et salutem anime sue sancte Marie contulit in Raytenhaslach annis singulis in perpetuum de domo sua sita vulgo in dem Tal censum LX denariorum Monacensium, ita videlicet ut eo vivente vel mortuo censum predictum et deputatum ecclesia prefata recipiat in suum usum et nullus heredum dicti Rudolfi sive cognati in prescripta deo grata largicione offensam faciat vel gravamen. Et ut hoc ratum permaneat, hanc litteram civitatis sigillo feci cum testibus subsequentibus confirmari. Huius rei testes sunt: Perchtoldus quondam iudex, Conradus Comes, Conradus Gerhart, Conradus Torer, Conradus Hergoltsperger, Hainricus Wesmalarius, Walther Guldinus, Conradus Pecelinus, Arawicus^a V^ongarius, Conradus Hartelinus, Conradus Fosso et iunior Fosso, magister Rapoto, dominus Al(bertus) plebanus Monacensis, Otto, Perhtoldus Bampst^b sacerdotes et alii quam plures. Acta Monaci anno domini M^o. CC^o. L tercio, feria quarta post dominicam passionis Iudica me, XIme indiccionis, I^ohanne conscribente.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 197, S. 166