Charter: Kloster Raitenhaslach Urkunden (Zisterzienser 1034-1798) 1259 12 21
Signature: 1259 12 21
Add bookmark
Edit charter (old editor)
21. Dezember 1259, Raitenhaslach
Abt Heinrich von Raitenhaslach übereignet dem Ritter Werner (vom Turn) für eine Gültschuld ein Gut zu "Mennenbach" und verpflichtet sich, für den Nachlaß der Restschuld ihm und seinen Angehörigen ein tägliches Gedenken zu halten.Source Regest: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 243, S. 199-200
Transsumt (T) des Notars Johannes Viersperger von 1453 August 7
Quoniam personis religiosis iure devocionis incumbit, quatenus salutis propositum in cordibus fidelium divinitus informatum pro viribus ad effectum perducant salutarem, idcirco nos frater Heinricus dictus abbas in Raittenhaslach una cum conventu nostro notum facimus tam presentibus quam futuris, quod, cum domino Wernhero militi et magistro coquine Saltzburgensis electi redditus decem marcarum emere teneremur, eidem predium nostrum in Mennenbach, quod solvit tria talenta, assignavimus nomine et titulo empcionis. Residuam vero partem reddituum supradictarum decem marcarum prefatus Wernherus divina preventus gracia, sibi suisque posteris celestem volens mercari gloriam, ecclesie nostre relaxavit pro sua suorumque omnium parentum et heredum vivorum seu mortuorum salute perpetua tali tamen peticione premissa, quatenus sui et dictorum parentum suorum, specialius tamen et expressius ipsius patrisque sui Gotfridi et matris sue Benedicte, domine Machtildisa uxoris sue prioris, domini Eberhardi quondam Saltzburgensis archiepiscopi, preterea filii sui Iacobi, domine Gerdrudis uxoris sue secunde, perennis memoria fiat apud nos in missa cottidiana de sancta Maria et in alia similiter missa cottidiana pro defunctis. Insuper ut cum fraternitate communionem omnium bonorum nostrorum et communis oracionis participacionem obtineant, que fit per ordinem Universum, et participacionem solempnis elemosine, que fit in cena domini et in die omnium animarum, super relaxacione predictorum reddituum sepenominatus Wernherus hoc eciam adicere curavit, ut in die beati Iacobi fratribus copiosius amministretur. Verum quia opus bonum tam feliciter inchoatum exitu feliciore consummare cupimusb, universa hec secundum formam prescriptam nos acceptare, firmiter tenere, strennue persolvere promittimus atque statuimus. Preterea super hiis omnibus presentem cartam nostri sigilli veritate signatam predicto domino Wernhero suisque heredibus in testimonium assignavimus sempiternum. Datum in Raittenhaslach anno domini millesimo ducentesimo sexagesimo, duodecimo kal. ianuarii.
Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 243, S. 199-200
Original dating clause: duodecimo kal. ianuarii
Editions:
- Ungedruckt.
Secondary Literature:
- Reg. u. Erl.: Krausen, Unbekanntes von den Herren vom Turn zu Neubeuern, in: Bayer. Inn-Oberland 21 (1936), 109 ff.
Language:
Notes:
(a) Marhtildis T
(b) cupientes T.
Places
- Raitenhaslach
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
