Evanescunt simul cum tempore, que geruntur in tempore, nisi litterarum testimonio et voce testium perhennentur. | Obinde ego Otto de Walde notifico tam presentibus quam futuris, quod de consilio ac voluntate uxoris mee necnon et heredum meorum domino abbati et conventui in Raitenhaselach in concanbium dedi dimidiam curiam in Lo^vbenpach^a, que in dotem cesserat uxori mee, eius super hoc consensu accedente. Pro iamdicta vero dimidia curia ab prefato abbate et conventu duo predia, scilicet Frioldesmos et Tanne, ab ipsis recepi in concanbium, filio quoque meo cedente liti, quam habebat super manso in Weidingen, voluntarie^b ac sollempniter ius omne abdicando^c. Ut autem hoc factum perpetuum robur optineat firmitatis, presentem paginam sigilli mei munimine roboravi. Affuerunt preterea testes ydonei, de conventu: dominus Heinricus abbas, V^olricus prior, Fridericus cellerarius; de laicis: Chv^ono de To^erring, Fridericus frater eius, Chv^onradus de Talhaim, Ortolfus de Winchel, Chvnradus de Stadel, Heinricus de Hv^ob, Rv^odolfus de Talheim. Acta sunt hec anno domini M^o. CC^o. LX^o, indictione III^a.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 249, S. 203-204