Fridericus dei gratia prepositus et archidyaconus Salzburgensis, Hainricus decanus totumque capitulum eiusdem ecclesie, Fridericus Chymensis, Marquardus Bovmburgensis | et Vlricus Garzensis prepositi et archidyaeoni dilectis in Christo fratribus, decanis, plebanis, vicariis universis per archidiaconatus prescriptos constitutis salutem et in domino karitatem. Discretioni vestre presentibus intimamus nos originale, cuius rescriptum huic nostre littere inseruimus, vidisse ac etiam contrectasse salvum, nulla sui parte vitiatum, cum bulla et filo omnibusque munimentis, per que caveri poterat ecclesie Raitenhaselah, cui idem autenticum a sede apostolica est indultum, cuius tenor hie est: folgt UB 69. Fraternitati itaque vestre in virtute sancte obedientie precipimus firmiter et districte, quatinus, si quando requisiti fueritis a fratribus monasterii memorati, ut auctoritate mandati apostolici iura ipsorum defendere debeatis, mandatum apostolicum studeatis exequi reverenter. Alioquin eos, qui in executione mandati papalis et nostri fuerint negligentes, censura debita percellemus. Dat. anno domini M^o. CC^o. LX^o. VII^o, indictione X^a VIIII^a kal. febr.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 282, S. 227-228