Nos frater Chvnradus abbas de Raitenhaselach^a tam presentibus quam futuris hanc cedulam inspecturis | successibus in presenti felicibus letari et in futuro bonis adeo omnibus sive perennibus donari. Quia res gesta cicius a memoria hominum tollitur, nisi litteratorum^b studiis firmetur, notum fieri cupimus singulis et universis presencia intuentibus, quod Hainricus nobilis de Vnchûsen dictus a domesticis nostre ecclesie et fidelibus Friderico et Wernhero fratribus prece et precio conventus mansum suum in Vnchûsen^c iam nominatum cum pertinenciis suis, cultis et incultis, ab omnibus, qui in eo aliquam iuris dicionem habere poterant, liberum et quietum aput nos iure prediali beate virgini multis circumastantibus precise et discusse voto obtulerit perpetuo, quo etiam fratres superius expressos et liberos eorum necnon filios et filias illorum cum successione eorundem pro industria sua in hac ipsa donacione inventa et probata et aliis serviciis infeudavimus plurimis. Et ne alicuius hoc factum possit turbari in posterum conamine cedulam istam nostro roborare sigillo maluimus et testium descripcione, qui sunt: Waltherus prior, Chv^onradus maior cellerarius, Hainricus de Gvntheringen^d, Chv^onradus magister conversorum, Wernhardus magister noviciorum, frater Reinbertus conversus et alii monachi quam plures; dominus Chvnradus Talhaimærius, Rv^edgerus de Scho^enlinden et frater suus Hertingus, Wernherus de Holzhaim et frater suus Rvdgerus de Winpozzingene, Fridericus de Crispilsteten, Chv^ono de Stadel, Hainricus de Pvhsingen et frater suus dictus Wisent, Chv^onradus de Purchvsen^f dictus super cellario, Eppo de Chirperch, Rv^edgerus faber, Chv^onradus dictus Hællingæ^r^g et alii quam plures. Datum anno domini M^o.CC^o.LX^o.VIlII^o.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 293, S. 234-235