Causarum litigiosarum commendabilis decisio scripture committi debet annotationibus, ne cum temporis sive horarum decursi | one in materiam transeat oblivionis. Hinc nos Fridericus dei gratia prepositus et archidiaconus, Heinricus decanus totumque capitulum ecclesie Salzburgensis^a universis scripti presentis inspectoribus volumus esse notum, quod, cum inter nos et conventum de Salem ex una et venerabilem dominum abbatem de Raytenhaselah necnon ipsius conventum ex parte altera super iure metarum et fodinis montium nostrorum in Hellino verterentur litis plurime altercationes, propter bonum karitatis, cui debent mentes inniti fidelium, pro consilio discretorum virorum salinariorum et magistrorum montium sumus concordati efficaciter sub hac forma, quod officiales nostri frater Albertus cum coadiutoribus suis vel eis succedentibus quibuscumque nostri structuram operis dictam vulgo Wer nah dem tage in monte nostro per eos cultam, quam frater Chunradus officialis venerabilium dominorum de Raytenhaselach^b esse asserit in sui confectam monasterii dispendium, nullis pandere debet^c fractionibus vel circa ipsam aut aliunde in eodem monte culturam aliquam exhercere, nisi prius secundum metarum signa, que videlicet ad pirum arborem super Slif inchoant et secundum lineam usque ad lapidem, sub quo pro inditiis carbones inveniuntur posite, sursum ascendunt, per magistros montium super terram posita et notata, precedat iuxta consuetudinem mensurationis nomine, que in vulgari geshint dicitur, examinatio ipsius montis, et tunc nostri et dictorum dominorum officiales partium ipsis de iure cedentium in monte ipso excolent portiones. Frater Chunradus vero^d vel alter ipsi substitutus officialis medio tempore sui monasterii montem sine nostro et nostri iuris operabitur dispendio nichilominus si placebit, sicque^e inter nos et antedictos dominos de Raytenhaselah^b habite hactenus questiones cessabunt per omnia et silebunt. Ut autem hec premissa universaliter inviolabilia conserventur, perpetuo presentem litteram sigillo nostro in testimonium iussimus communiri. Actum in Salina||
anno gratie M^o. CC. LXVIlI^o coram testibus subnotatis: domino Rudgero decano in Hellin, Heinrico perchmaister et filio suo Heinrico, Chunrado filio permaister, Heinrico Hort, Arnoldo Frumele perchmaister, Leone auf dem gemerche, Chunrado Gansar, Dittrico de Appenawe, Dittrico domini Pabonis filio, Walchuno de Tækking, Heinrico clerico, Vlrico filio fabri, Chunrado de Ramsawe et aliis quam pluribus.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 294, S. 235-236