Cum res gesta mandatur litteris, universe calumpnie prevenitur materia, ne prestetur litis occasio successori. Declaretur ergo presentibus et futuris, quod dominus | Reinoldus plebanus de Regen cenobio Raitenhazlah^a eiusdem cenobitis delegavit X libras Ratisponensis monete, ut sibi construeretur in Holerperh^b vacaria solvens sibi diebus vite sue CCCtos caseos annuatim tali tamen apposita pactione, ut singulis annis prefatis de formadiis LX^a denarii a cellerariis retineantur, quibus ut in anniversario Reinoldi de Perndorf^c patris delegatoris fratres monasterii consolentur. Sane notandum, si forte pestilentia aut aliquod infortunium prefatam deleverint vacariam, quamdiu eam possidet, sua debet pecunia restaurare. Post obitum autem predicti plebani formadii pretaxati in tres dividantur partes, una pars, videlicet centum casei, dentur pro piscibus et aliis bonis pitantiis, quibus in anniversario ipsius fratres consolentur, ut ea die ferventius necnon devotius pium redemptorem pro anima eius valeant exorare. Sic anniversario Reinoldi de Perndorf^c patris sepedicti plebani cum secunda parte agatur per omnia. Cum tercia vero parte in anniversario Mæhtildis matris sepedicti delegatoris, sicut cum prima, sic cum tercia parte fratres per omnia consolentur. Ut autem hec rata et inconvulsa permaneant, in testimonium et cautelam presentem cedulam ego frater Chunradus abbas predicte domus et ego Reinoldus plebanus de Regen cum subnotatis testibus sigillorum nostrorum dedimus munimine roboratam. Hii sunt testes: Wernhardus prior, Heinricus subprior, Chvnradus cellerarius, Heinricus subcellerarius, Rv^odolfus custos, Chůnradus magister conversorum et alii plurimi et honesti. Acta sunt hec incarnati verbi anno M^o. CC^o. LXIX^o.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 298, S. 239-240