Nos Heinricus dei gratia palatinus comes Rheni^a, dux Bawarie, universis Christi | fidelibus^b in perpetuum. Etsi generaliter omnibus vite religiose professoribus ad misericordie opera nos benivolos offeramus ob eius amorem, cuius melior est misericordia^c super vitas, singulari tamen gratia circa ea loca ducimur, que progenitorum nostrorum privata dinoscuntur munificentia viguisse. Karissimorum igitur videlicet proavi, avi et patris nostri felicis memorie devota vestigia subsequentes ecclesie de Raitenhasela^d Cisterciensis ordinis Saltzburgensis dyocesis de speciali gratia confirmavimus vini et frumenti ac aliorum victualium suorum liberum transitum in Purchusen^e et in Schærding^f, ut sine exactione ac impedimento illic debeant pertransire, adicientes insuper, ut singulis annis una vice in locis predictis duo talenta salis proprii sui et ampli ligaminis possint transvehere libere sine muta. Universis igitur officialibus nostris in locis eisdem districte precipimus, ut sie eidem ecclesie predieta conservent, ne suis inpedimentis nostram intentionem evacuent a mercede, sed potius hylarem datorem ac ministros liberales divina gratia perpetuis premiorum remuneret incrementis. In cuius rei testimonium presentem litteram^g conscribi fecimus nostri sigilli robore communitam. Dat.^h in O^etingⁱ anno dominice incarnationis millesimo ducentesimo sexagesimo nono, non.^k marcii.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 295, S. 236-237