Nos Lodwicus dei gracia comes palatinus Rheni, dux Bawarie, univer | sis presentes litteras inspecturis salutem in perpetuum. Oblivionis minari cognoscitur periculum, quicquid litterarum testimonio non perennatur. Hinc est, quod noticie tradimus universorum, quod, cum ecclesia sancte Marie in Raitenhaslah^a per nos et nostros dampnum in parte in ecclesia sancti Iohannis in Livchental^b receperit et gravamen, in reconpensationem ipsius dampni necnon ob remedium anime nostre ac parentum nostrorum devotione permoti per instantiam Chvnradi venerabilis abbatis prelibate ecclesie vacariam nostram in Vronæschelberch^c cum omnibus sibi attinentibus, pascuis, silvis, bratis, cultis et incultis, quesitis et inquirendis, una cum hominibus ad dictam vaccariam pertinentibus, videlicet Dietmaro, Hermv^ot et Hainrico cum posteritate ipsorum damus libere ac solute, quam vaccariam sepedictus abbas ab Ottone de Nevnhofen^d redemit pro summa sedecim talentorum. In cuius rei testimonium et cautelam presentem paginam memorate ecclesie in Raitenhaslach damus sigilli nostri robore communitam. Huius rei testes sunt: Chvnradus decanus de Ebse, Perhtoldus notarius noster de Witoltshouen, Perh(toldus) plebanus sancti Iohannis ecclesie, Hainricus plebanus de O^erlan, Meinhardus comes de Roteneke^e, Albero de Prvggeberch^f, Chvnradus de Vriuntsperch, G. et F. fratres de Velwen, H(ainricus) de Preisingen^g, C(hvnradus) et R. fratres de Haslanch, Al(bero) de Habichaw, G. de Schonsteten et alii quam plures. Acta sunt hec in Chitzeinspuhel^h anno domini millesimo CC. LXXI, VIII idus iunii.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 312, S. 250-251