Felix lucrum, cum celestia pro terrenis, sempiterna pro temporalibus lucrantur. Innotescat igitur presenti scripto | cunctis Christi fidelibus tam presentibus quam futuris, quod ego Otto de Ror volens comparare vinum aput venerabilem dominum Cvnradum abbatem de Raitenhaselah^a et ipsius loci fratres in hunc modum conveni cum eisdem, quod tam pro vino quam pro remedio anime mee ac predecessorum meorum ipsis contuli de consensu ac manu uxoris mee ac heredum meorum perpetua possessione proprietatem meam, quam habui in tribus hiis curiis, Tal videlicet et Aichach, et medietatem curie, que Strælæ^rshoven^b dicitur, cum pratis et silvis et omnibus aliis, que attinere eisdem curiis dinoscuntur, hac addita predictis fratribus cautione, ut si forte ipsa proprietas, quam in prefatis curiis hucusque habui et prelibatis fratribus contuli, ut predixi, per formam iuris ab aliquo eisdem fratribus subtrahatur, quod hoc debeo ipsis refundere prediis meis plenaria restitutione. Insuper quiequid iuris aut impeticionis habui in prediis Mermosarii videlicet Smitten, am Lehen, Perchaim et aliis, que hodie possident, renunciavi libere et absolute. Huius rei testes sunt: frater Hainricus tunc prior, frater Chvnradus cellerarius dictus Grætæ^r; dominus Hainricus miles dictus de Wolfspergær, dominus Fridericus miles de Mo^eringen^c, iudex domini Ottonis de Rôr dictus Plv^om, Hainricus Pvhsingæ^r, Fridericus Crispilstetæ^r, Lecker, Rv^odgerus de Cydlarn^d, Chv^ono de Stadel, Wernherus et Siboto servi abbatis et alii quam plures. Ut autem hec mea donatio robur firmum habeat et in posterum permaneat stabilis et inconeussa, hanc litteram sigillo meo studui communire. Acta sunt hec anno domini M^o. CC^o. LXX^oII^o aput Raitenhaselah^a.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 320, S. 256-257