Cum res gesta memorie traditur, universe calumpnie prevenitur materia, ne prestetur litis occasio successori. Innotescat ergo | presentibus et futuris, quod ego Hainricus de Rôr^a domino abbati totique conventui in Raitenhaselah^b vendidi mediam curiam, que dicitur Strælærshof, cum omnibus pertinenciis suis consensu uxoris mee ac heredum meorum pro vase vini iure perpetuo possidendam hac addita predictis fratribus cautione, ut si forte ipsa proprietas, quam in prefata curia hucusque habui et prelibatis fratribus contuli, ut dixi, per formam iuris ab aliquo eisdem fratribus subtrahatur, quod hoc debeo ipsis refundere prediis meis plenaria restitutione. Insuper omnem impeticionem, si quam habui in possessionibus, que a me vel parentibus et propriis hominibus vendita vel donata sunt prefato monasterio, sigilli mei munimine in presenti cedula confirmavi. Hii autem sunt testes: frater Hainricus tunc||
prior, frater Cvnradus cellerarius dictus Græter; dominus Fridericus de Mo^eringen^c, Mvndæ^ezel, Hainricus Puhsingæ^r et alii quam plures. Acta sunt hec anno domini M^o. CC^o. LXX^o. II.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 319, S. 256