Heinricus dei gracia comes palatinus Reni, dux Bawarie, omnibus presencia inspecturis in perpetuum. Cum | divina clemencia, que in^a principatus nos solium collocavit, a nobis exigat, ut debeamus cavere ecclesiarum indempnitatibus et nichilominus saluti nostrorum consulere subiectorum, ecce per presencia declaramus, quod dilectus fidelis noster pie memorie Ortlibus^b de Walde^c in extremis positus nabens adhuc sanam mentis valitudinem cogitans de supremis in nos posuit votum sue ultime voluntatis, precipue in hiis, que ecclesiam in Raitenhaslach^d Cisterciensis^e ordinis contingebant, et hec Ortlibus^b suus filius||
approbavit. Quare statuimus, ordinamus et presentibus promulgamus, ut dicta ecclesia in iudiciis et aliis iuribus, libertatibus et emunitatibus gaudeat, que sibi concessa patent ex instrumentis publicis vel privatis, ita ut renuntiationes facte super iudiciis ac aliis pro dicta ecclesia firme permaneant et gracie mortuariorum seu quecumque ob salutem anime sue per predictum fidelem nostrum pie memorie Ortlibum^b de Walde^c concesse in nullis casibus valeant irritari, sed renunciata et admissa salva volumus penitus permanere. In hiis vero prediis, de quibus instrumenta mentionem non faciunt, pronunciamus, arbitramur et volumus iudices Ortlibi^b de Walde^c et sue posteritatis aut ipsum Ortlibum^b modum iudicii et ordinem observare, secundum quem iudicaverint nostri iudices in dicte ecclesie prediis iuris^f terre ordinem observantes. Ut igitur in premissis omnibus materia calumpnie amputetur et nulla in posterum valeat suboriri contentionis dubietas, presens scriptum nostri sigilli robore placuit communiri cum testibus subnotatis, qui sunt: dominus Vlricus de Abensperch^g, Sifridus de Sigenhouen^h, Grimoldus de Prisingⁱ, Ekkardus^k de Tanne^l, Alramus de Rotawe^m milites; dominus Wernhardus plebanus de Maurchirchenⁿ et dominus Rugerus^o de Lochchirchen^p capellani nostri, dominus Eberhardus plebanus sancti Georii(q), magister Fridericus notarius canonicus Ratisponensis, Waltherus^r et Otto notarii et alii quam plures. Dat. in Oting^s anno domini millesimo ducentesimo LXX^o septimo, X kalen. febr.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 354, S. 284-285