Iohannes dei gracia Chymensis^a ecclesie episcopus universis presentes litteras inspecjturis veram in omnium salvatore salutem. Clamor infamie adversus dominum Perhtoldum plebanum sancti Iohannis de Lukental cum frequentia nos impulsans^b compulit, ut de statu suo faceremus inquiri illam, quam vulgi^c opinio de ipso denunciat, suorum excessuum veritatem. Cumque visitatores deputati a nobis ad nostram presentiam inquisita referrent et nos parati essemus iuxta formam inquisitionis formare censuram, dictus P(erhtoldus)^d omne ius, quod sibi in eadem ecclesia competebat, in manibus nostris simpliciter resignavit. Nos vero de consilio venerabilis fratris et amici in Christo karissimi domini Ch(unradi) venerabilis abbatis de Reitenhaslah dictum P(erhtoldum)^e sub hac forma fecimus in ecclesia sancti Iohannis vicarium temporalem, ut, si idem dominus abbas et fratres monasterii sui circa festum beati Iacobi nobis iurati retulerint dictum P(erhtoldum)^e sie esse vita et moribus emendatum, quod tam ab ipsis fratribus quam a plebe dignus gracia reputetur, nos de perpetuacione sua in eadem ecclesia sibi graciam, que tunc conveniens nobis videbitur, faciemus. Quod si vite et fame dampnabile detrimentum in ipso meliora non suscipiet^f incrementa, nos sine iuris strepitu alium clericum, quem nobis abbas et conventus predicti monasterii duxerint presentandum, curabimus investire de ecclesia memorata. In cuius rei testimonium presentes litteras sigillo nostro fecimus sigillari. Dat. et actum in Vischaren anno domini M^o. CCLXXVIII, VI idus febr.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 368, S. 295-296