Ne pestifera malignorum hominum detractio seu labilis fidelium memoria sub incerto nuctuans oblivionis | sarculo acta corruere faciat in posterum subnotata, nos Heinricus dei gracia comes palatinus Reni, dux Bawarie, presentis scripti testimonio profitemur et patere volumus universis Christi fidelibus presentem paginam inspecturis, quod ad probacionem^a nostri consensus V^olricus dictus Seifridesw^erer^b una cum uxore sua nomine Offemia spe premii celestis legavit ecclesie sancte Marie in Raitenhaslah sub tytulo proprietatis curiam suam dictam Tanne cum omnibus suis pertinentiis, cultis et incultis, quesitis et non quesitis, addita ibidem decima, que de triginta et sex domibus poterit annis singulis provenire, licet quatuordecim ex illis domibus fratres monasterii prefati pro duodecim libris Ratisponensium minus sexaginta denariis redimere compellantur. Decimam quoque prehabitam, quam a domino Salzb(urgensi) archiepiscopo habuit infeodatam, ut ecclesie Raitenhaslahensi cedat bec collatio, tenebitur resignare. Sane tamen memorie commendandum, quod pietatem huiusmodi donacionis fratres antedicti loci per infrascripta predia eidem Vlrico necnon uxori sue ad dies tantummodo utriusque vite condicionaliter refuderunt: primo curiam in Gramsheim^c, item unam in Albolfinge, hv^ebam unam prope To^erringen^d, aliam in Percheim^e, item duo feoda Hausemæninge^f tali videlicet pacto, quod licet ipsis nati fuerint heredes, nichilominus curia superius nominata cum decima post obitum Vlrici atque uxoris sue ad quietam possessionem redeant ecclesie pretaxate. Veruntamen de quolibet eis locato predio annis singulis quinque denarios O^etingensis monete persolvere tenebuntur. Ceterum quantumcumque per impetitionem qualiumcumque personarum passi fuerint detrimenti in legationibus supradictis, tantum resument de prediis, que eidem locaverant V^olrico. Ut autem in omnibus prelibatis fratres monasterii memorati a nullo heredum seu consanguineorum dicti V^olrici atque uxoris sue Offemie gravaminis preiudicium sive dispendii calumpniam paciantur, sed tranquillitate irrefragabili gaudeant in futurum, presentem paginam sigilli nostri karactere fecimus consigniri. Huius rei testes sunt: dominus Wern(hardus) prior, Heinricus cellerarius, frater Berhtoldus de Lauffen^g; dominus Wernhardus Zuchswert, Wernhardus de O^ede, . . dictus Entvelder, Chvno frater uxoris Seifridesw^erer^b, Rudolfus de Mu^eldorf^h, servi domini abbatis: Wernherus, Chvno, Ghvnradus, Heinricus dictus Dehserⁱ, Fr(idericus) Chrispelsteter et alii quam plures. Acta sunt hec et data anno domini millesimo ducentesimo LXXX^o Purchuse, in die sancti Nycolai.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 379, S. 303-304