Ego magister Heinricus de Go^ezze^a, doctor decretorum, tenore presentium scire cupio universos, quod cum inter Ekkardum de Aigelsheim^b, uxorem et heredes | suos ex una parte et Chvnradum venerabilem abbatem totumque conventum monasterii in Raitenhaslach ex altera super curia in Embercheim^c, quam frater dicti Ekkardi dominus Rudigerus, quondam plebanus in Lohkyrchen^d, ipsi monasterio in remedium sue salutis legaverat, orta fuisset materia questionis, tandem post multas altercationes dictus E(kkardus) dominum Heinricum de Harskyrchen^e et dominus abbas magistrum Heinricum de Treueiach et me tercium, qui vulgariter vberman^f dicitur, arbitros elegerunt, ut quidquid nos tres vel duo ex nobis super questione huiusmodi diffinirent, pro sententia perpetua haberetur. Nos vero convenientes in unum tale arbitrium duximus concorditer promulgandum, quod dicta curia ipsi Ekkardo et filio suo Rudigero in tempora vite eorum tantummodo remaneat possidenda ita tamen, ut singulis annis in signum proprietatis et dominii ipsi domino abbati et monasterio in Raitenh(aslach) in die sancti Martini media libra Ratisponensium vel eius procuratori sine contradictione qualibet persolvatur. Et quecumque partium huiusmodi arbitrium non servaverit vel ei contradixerit, parti servanti in quinque libris Ratisponensium remaneat condempnata. Post tempora vero Ekkardi et Rudigeri filii eius dicta curia cum toto dominio, quod iidem in eadem habebant, ad ipsum monasterium Raitenhaslach revertatur libere perpetuo possidenda. In cuius rei testimonium ad peticionem partium presentes litteras infrascriptorum dominorum et patrum sigillis confirmavi, videlicet domini Ottonis venerabilis prepositi Salzburgensis et etiam arbitrorum. Acta sunt hec in Mu^eldorf anno domini M^o. CC^o octoagesimo primo, feria quinta proxima ante nativitatem sancte Marie perpetue virginis. Testes vero huius sunt: dominus Eberhardus venerabilis prepositus Ovgensis^g, Starchandus canonicus ibidem, plebanus de Muldorf dictus Chvnradus, dominus Vlricus decanus superioris Perchirchen^h, Karolus plebanus de Snaitse; Rudolfus dictus Goder, Chvnradus de Tampahⁱ, Chvnradus Revter, Chvnradus dictus Galle de Muldorf, Liebhardus de Altenmu^eldorf, Chvnradus de Truhtlaching, frater Berhtoldus monachus in Raitenh(aslach), Rudolfus Lonhv^et, Waltherus Saxo, item Saxo plebanus ecclesie sancti Petri; servi abbatis: Heinricus marischalcus, Otto Talheimer et alii quam plures. Ceterum placuit sigillum venerabilis abbatis de Raitenhaslach similiter adponi.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 385, S. 309-310