Ich Alharat^a von Frowenhoven^b tv^on chvnt allen den, di disen brief ansehent, daz Wernhart der Chelnser von Werde vnd I sein sv^on Wernhart vnd Perchtolt dvrch ir sei vnd dvrch ir vodern sei hail habent gegeben ein hof datz Aepping mit allem, daz darzv geho^ert, vnser vro^vwen vnd dem goteshv^s datz Raitenhaslach mit sotanem geding, daz Wernhart vnd sein prv^oder Perchtolt vnd ir peider hav^sfro^vwen Levkkart vnd Helen den hof solten haben vntz an der vier leib tot vnd scholten dem goteshv^s drei Schilling phenning davon geben elliv jar, vnd wart di selbe gab vnd daz selbe selgræt gevestent vnd gestætigt mit minem insigel vnd mit miner hantvest. Darnah gemant vnser herre got Wernharten vnd sein havsfro^vwen Levkkarten, daz si freilichen daz reht vnd di leibgeding, di si zv ir peider leib heten av^f dem hof datz Aepping, vnser vrowen habent gegeben hintz Raitenhaslach vnd sich des selben hoves gæntzlichen vnd ebichlichen habent verzigen. Aber darnah, wan Perchtolt, Wernhartes prv^oder, tot was, da het avf dem hof nimen dehain reht, wan Helen Perchtoldes havsfro^vwe zv ir ainem leib; div selbe Helen gab ir reht, daz si zv ir ainigem leib het, ir chinden, di si pei Perchtolden het, vnd von dem si av^ch daz selbe reht het, Vlrechen, Offmein, Wendelein mit offnaer fv^erziht vnd mit erberigen zivgen in des Chrahamærs hav^s datz^c Werde. V^eber di rede alle habent di vorgenanten chint Vlreich, Offmei, Wendel daz selbe reht, daz Helen ir mv^oter vnd si av^f dem hof datz Aepping heten, abbt Chvnraten vnd dem goteshv^s datz Raitenhaslach ledichleichen ze cho^vvffen gegeben vm zehen phvnt Regenspurgær phenning vnd habent sich verzigen aller der ansprach, di si avf dem hof datz Aepping gehaben mohten von dehainer slaht sache, vnd habent mich gebeten, daz ich disiv rede alle vnd den geberft vnd di fv^erziht stætig vnd vesten mit miner hantvest. Darvmme gib avch ich nv abbt Chvnr(aten) vnd dem goteshvs datz Raitenhaslach minen brief gevestent mit minem insigel ze einer ebigen stæticheit. Des sint gezivch: brv^oder Otte^d, Walch(vn)^e der pharrer von Tavfchirchen^f, her Alban sein geselle, her H(einreich)^g sein geselle; Goi^e von Rainpoltzaim^h, H(einreich)^g von Schiterpergⁱ, Wern(hart)^g von Wisen, Wernher^k von Reinpoltzaim^h, Geb(hart), Weichart von Ebring, H. vnd H. von Wentenhai^m, Lvdwich von Wisen, Jordan vnd Ger von Chvnrating vnd ander erbaer levt vil. Ditz ist geschehen datz Werde vnd datz Tavfchirchen^f, do von vnsers herren gebv^ert waren Me. CCti. LXXXVII jar.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 419, S. 340-341