Wir Otte vnd Hainrich [die brvder]^a von Ror tv^on chvnt allen den, die disen brief ansehent, daz vns abbt Chvnrat vnd div sammvng von Raitenhaslah | gelihen habent durich [ . . . ] vnsers hauses nevn mutte vnd zehen metzen rokken vnd aht mvtte habern vnd zwainzich pfvnt vnd zwai O^etinger pfenning, die solt wir in stvn [ . . . ], nv habent si vns frist gegeben der selben svlt vncz vnser frawen tvlt der liehtmesse, div nv schirst chomt, dvrich vnser lieb. Div selbe [ . . . ] lieb haben wir angesehen vnd haben in gegeben vu^er aigen abbt Chvnraden^b vnd dem gotshavs datz Raitenhaslah vnser gv^et datz Altsperig, also [daz wir] niht auz nemen, swaz vnser vater vnd vnser mvter da gehabt habent vnd auch wir selbe, noch akcher noch holtz noch wismat noch wazzer noch iht, daz w[ir] da haben oder ie gewinnen, gesv^oht oder unversu^eht, an drizzich pfenning Rengenspurger gelts, die geho^ernt * zv des heiligen geistes alter datz Pvrchvsen, mit der beschaidenhait vnd mit dem reht, ob wir Otte vnd Hainrich die brvder von Ror oder vnser eriben vor vnser frawen tvlt * der liehtmesse, div schirst chomt, * dem gotshaus datz Raitenhaslah wider geben daz vor genant gv^ot, daz ist zwainzich^c pfvnt vnd zwai vnd nevn mvtte vnd zehen metzen rokken vnd aht mvtte habern O^etinger maz, so sol daz vorgenant gv^ot datz Altsperig ledichlichen wider an vns gevallen als ê. Geben aver wir daz vorgenant gv^ot niht vor vnser frawen tu^olt der liehtmesse, div schirst chomt, gar vnd gantzlichen, so sol vns daz gotshaus geben oder vnsern eriben sehtzich pfvnt [ . . . ], di danne gib vnd gseb sint, na^oh der selben vnser frawen tult in vierzehen tagen. Wir svln aver in absiahen daz vorgenant gv^ot pfenning [ . . . ] sein niht geben, als vorgenant ist, an||
den sehtzich pfvnden. Darvber geben wir dem gotshaus disen brief versigelten mit vnserm insigel. Di[rre brief ist geb]en an sand Agathe tag des jares, da von vnsers herren gebv^ert waren tausent jar zwai hvndert jar vnd aeht vnd ahtzich jar. Des sie[nt||
getzivge: her Vlrich] von Seivridesdorf, her Meingoz von Apheltal, Walther von Hornbach, Vlr(ich) der Chalp, Ch(vnrad) der richter von Purchavsen, Ortlib der Anich, Otte [ . . . ]er, Seibot vnd Hainrich die Zinkken, Albreht der probst, Fr(idrich) der Chrispelsteter, Chvno vnd Vlr(ich) des abbtes dienêr vnd ander [erberig levt genunch].

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 420, S. 342-343