Ich Gotschalch von Vnczing, der ettwenn vitztu^em was ze Salzburch^a, vnd Elspet mein hausvrowe wi^er tvn chunt allen den, di disen brief ansehent, daz wi^er durch got vnd durch vnserr sei hail vnd vnserr vodern sælicheit vnser vreiz aign, daz sint zwen||
ho^ef datz Weng, di mein vater der Hainr(eich) der vitztv^om von Salzburch^a von dem gotshaus ze Admvnd hievor gechauft hat, mit vreir gab gegebn habn vnser vrowen des ersten vnd darnach vnserm herren apt Chunr(ad) vnd gemainleich der samnung ze Raitenhaslach mit solher beschaidenhait, daz, di weil wir paidev lebn, aller der dienst, chlain vnd groz, der von den hofen chvmt, alle jar vns halber vnd in vnd dev samnung halber schol angeho^eren, an daz fleisch ain, daz sol vns svnderlichen angeho^eren, di weil wier lebn. Von disem selgeræt sol man an sand Vitals tag, der in dem mayn^b ist, einen dienst der samnung gebn. Wan des tages sullen si begen aller meiner vodern jartach vnd auch vnser paider jarzeit, swann wir sterben. Swaz aber vber daz dienst vber wiert an dem gelt, daz schol man nach des priors vnd des subpriors rat der samnung anlegn, daz in di pfrv^ent davon alle tag gebezzert^c werd von dem aduent vnsers herren vntz an den heiligen weinaht tach. Als aber wi^er baidev ta^ot geligen, ich Gotschalch vnd ich Elspet, so schvllen di baid ho^ef mit allem ir nvtze, der dazv^e gehoret, versvecht vnd vnuersvechet, vnuerschaidenlichen geho^ern hintz Raitenh(aslach), daz halber nvtz dem apt vnd halber nvtz der samnung zv ir tische vnd zv ir nvtz geho^er, mit der beschaidenhait vnd davor gesprochen ist, daz man an sand Vitals tag vnserr vodern vnd aller den, der wir sein schvldich sein, vnd auch vnser baider jartach ewichleichn da bege/^ vnd auch daz si des tags vnd auch von dem aduent vntz hintz weinahten nach des priors vnd subpriors rat pezzerung an ir pfru^ent habn. Daz daz ewichleich stæt sei vnd vnzefvert beleih, so gebn wier disn brief versigelt mit dism insigel. Der brief ist geschriben von vnsers herren bvrdlichem tag an dem tausentisten jar vnd zwai hundert jar vnd nevn vnd atzech jar.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 432, S. 353-354