Nos Wernhardus^a dei gracia ecclesie Patauiensis^b episcopus presentibus profitemur et constare volumus universis, quod ob dei | reverenciam et ipsius genitricis Marie virginis gloriose dilectis in Christo fratribus abbati et conventui * de Raytenhaslah Cysterciensis ordinis, Salzburgensis dyocesis, graciam a nostris predecessoribus hactenus habitam, quorum exempla nos imitari convenit in operibus caritatis, favorabiliter recognoscentes duximus indulgendum, ut de propriis salibus duo talenta maioris ligaminis semel in anno et victualia sua, que de redditibus suis in partibus Austrie annuatim habuerint, tam in Patauia^c quam in Obernperge^d transeant libere sine muta, volentes et districte precipientes, ne mutarum nostrarum provisores de predictis racione mute vel alterius exactionis aliquid exigant vel permittant exigi ab eisdem, sed ipsos et eorum nuncios ob nostri reverenciam taliter promoveant, ut nostra beneficia sibi sentiant fructuosa et nos orationum ipsorum et beneficiorum, que deo et sanctis eius in eodem monasterio devocione sedula exhibent, participes existamus. Ut autem predictis abbati et conventui presens gracia proficiat, ipsis super ea presentes litteras cum nostro sigillo dedimus in testimonium et cautelam. Dat. in Patauia anno domini M^o. CC^o. LXXX^o nono, non. augusti.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 431, S. 351-352