Ich Liehart^a von alten Mv^eldorf tv^on chvnt allen den, die disen brief ansehent oder horent lesen, | daz ich minen hof datz Chvnohing^b han aufgesant ledichlichen vnd vreilichen minen herren hern Ruger vnd hern Chvnrat von Aichaim, von der henden ich den hof het ze rehtem lehem, dar vmb daz si den vorgenanten hof stætigen abbt Chvnrad vnd dem goteshaus ze Raitenhaslach, als si gelobt habent durich ir seid vnd durich ir hail vnd durich ir sei willen. Vnd daz disev red also stæt belieb irhalb vnd auch von minem tail, dar vber gib ich disen brief. Diser brief ist gegeben, do von vnsers herren bu^ert waren tausent jar zwai hunder jar fumf vnd nevzicgistem jar, versigelt mit minen insigel an sand Medarden tak.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 462, S. 382