Ich Ekchart von Tann der Staufer offen vnd tv^en chunt allen den, di disen bri^ef sehent oder horent lesen, daz ich den hof datz Sigherting, der mein rehtez aigen was vnd meiner hausvrowen vron Katrein, der got mvezz genaden, von mi^er ier morgengab was, han^a gegebn vnser vrowen hintz Raitenh(aslach) ze selgeraet ze der gegen meins vater hern Ekcharts von Tanne vnd meins prv^eder Ekharts des Rorer des tages, vnd man mein vorgenant hausvrowen vron Katrein der erd enpfalch, vnd habn den dikch genantn hof datz Sigherting auf geselt ze Raitenh(aslach) auf fronalter, ich Ekchart von Tanne der Stauffer vnd mein vater her Ekchart von Tanne vnd mein brveder Ekchart der Rorer vnd Gerhoch von Radekke vnd habn vns sein verzigen vnd habn in gegeben dem gotshaus ze Raitenh(aslach) ledichleichen vnd vreilichen mit alle dem, daz dar zv^e gehoret, versvechtez vnd vnuersvechtez, ze veld vnd ze holtz, ze perg vnd ze tal, mit wismat, mit dem mvlslag vnd mit dem purchstal oder swie ez genant ist. Jdoch wan der vorgenant hof stvent ze pfand fv^er zehent halb pfunt Merboten von Heroltshaim, der in auch dar vmb inn het, mvest in der vorgenant conuent ze Raitenh(aslach) lo^esen von dem Herolthaimer vmb di selbn^a pfenning vnd solt der Heroltshaimer dem conuent ze Raitenh(aslach) wider habn gegebn di hantfest, di er het da vber, daz er wær sein satzvng vnd sein pfant; do er do daz solt tv^en, do het er di selbn hantfest verloren. Jdoch gab er den hof in der herren gewalt von^b Raitenh(aslach) vnd vertzech sich alles des rehts vnd aller der ansprach, di er het auf den hof, vnd gelobt in ze gewinnen hern Ortliebs hantuest von Wald. Ze aim waren vrchvnd, daz er sich hiet des hofs verzigen vnd di hantvest verlorn vnd daz der red also sei vnd daz daz selgeræt ewichleichn stæt vnd vnzerbrochen beleih vnd auch daz gotshaus sicher sei fver alle ansprach, so habn wier ich Ekchart von Tanne vnd mein vater her Ekchart vnd mein prveder Ekchart dem gotshaus ze Raitenhaslach ze einem waren vrchvnd gegebn dise hantfest versigelt vnd gewihgt mit vnser aller dreier insigel. Der sach vnd des selgeræts sintz getzevge: brveder Or. der prior, brveder Wernher der guster, brvder Hilprant der chelner vnd mit in alle di samnvng ze Raitenhaslach) vnd her H(ainreich) der Pabenswanter, her Chunr(at) von Stainchirchn, her Gerhoch von Radekke, . . der Nevnchircher, Frid(reich) Cho^epfelman, Rvdel von Tal, Rvdolf von Geizzing, Chunr(at) No^eppel, Ch(unrat) der Prenner, Ortel von Mosen, Chunr(at) von Hallenwanch, H(ainreich) von Ehmvting, Frid(reich) der Chrispelsteter, H(ainreich) der Gwiker, Dietmar der Helgler, Wernher von Aihen, Vl(reich) von Aw^e, Ortl vnd Ortlieb des abts chneht vnd ander erberig gezevg. Disev hantfest ist gegebn ze Raitenh(aslach), do von Christes geburt waren tausent jar zwai hundert jar in dem sibn vnd nevnzegisten jar, an sand Peters vnd sand Pauls tag.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 472, S. 390-391