Wir Ortlieb von Wald, Ditmar der Sultzbech, Hainr(ich) der Pu^oecbech, Hainr(ich) der Ahmanner, | Hadmar der Talhaimer veriehen offenbar vnd tu^oen chund allen den, die disen brief lesent oder ho^erent lesen, dar^a wir alle mit ainander haben gelopt mit vnsern trewen vnd mit dem vrchu^end ditz briues, vnd ze voderist ich Ortlieb von Wald, daz wir wellen vnd su^ellen reht oder minn tu^oen allen den, die dhain ansprach hæten hintz herm^a Engelbreten von Haiding, dem got mu^eez genaden, vnd hintz seinen^b erben dez tags, do er verschied von diser welrt^a, vnd ze voderist geloben wir, daz wir vnd doh besunderleichen ich Ortlieb von Wald, daz ich minn vnd reht last vnd toi vmb all die ansprach, die mein lieber herre der ersam pihscholf von Salczburch vnd dar nah^c Christan von Chno^esing habent hintz dem vorgenanten Haidinger vnd hintz sinen erben, daz ich da vmb willichleichen wil tu^oen meinen liebem^a herren von Saltzburch minn oder reht, swelhes er wil. Wir geloben auh mit vnsern trewen alle vnuerschaidenleichen, daz wir lasten min vnd reht, ob iemen ist oder wer der gehain ansprache hat oder gewint hintz der ersam abt von Raitenhaslach vnd hintz seinem conuent, daz sie den Haidingern habent der erd bestatt vnd begraben, daz wir den selben chlagern su^eln tu^oen aller ding, minn oder reht, vntz in daz reht geschæh. Vnd daz^c der^c red vnd dem gelu^eb also sei, vnd daz wir auh behalten swaz oben geschriben ist gar vnd gæntzleich, da v^eber so gib ich Ortheb von Wald disen brief versigelt mit meinen insigel ze ainem waren v^erchu^ent. Der brief ist gegeben, do von vnseres herren geburt waren tausen jar zwai hundert jar in dem nevn vnd nevnzigistem jar, dez næchsten suntags von sand Gilgen tach.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 484, S. 402-403