Ich Friderich von Torring tv^en chunt allen den, di disn brief lesent oder horent, daz ich des tages, vnd man meinen prveder herrn Jansn datz Raitenh(aslach) ze der erd bestatt, han gebn nach seinem gescheft vnd nach seiner pet meines vnd seines vrein aigns den hof datz Herpholtshaim^a mit alle der ansprach, vnd wi^er dar auf heten, vnd mit alle dem, daz da zve gehoret, svecht vnd vnbesvechet, vnser vrowen vnd dem gotshaus ze Raitenh(aslach) fv^er aign vnd ze rehtem selgeret mit so^elher beschaidenhait, swann meins hern Jansen jartach ist, daz man der samnvng ier pfrv^ent an wein vnd an vischen vnd an pra^et pezzer vnd seinen jartach mit dem ampt vnd mit alle dem rainen pet bege; da zv^e so bin ich gestanden durch meiner sel hail von dem chrieg, den ich vnd mein prveder her Jans heten an der vogtai datz Lohen^b, vnd han daz vorgenant selgeræt mit aller ansprach fv^er mich vnd fv^er meinen prveder aufgeselt auf vnser vrowen alter datz Raitenh(aslach). Auch habnt zv mi^er gelobt her Albreht von Vberæchn^c vnd Chv^en von Imzing, daz meines prveder chint daz geschæft vmb die vogtai stæt hab. Daz auch daz vorgeschribn selgeræt vnd geschæft immermer stæt behalten werde, gib ich disen brief mit meinem anhangentn insigel ze vrchvnde vnser vrowen vnd dem gotshaus ze Raitenh(aslach). Des sint gezevg: her Wernh(art)^d von Gehai^e der pfarrer von Vberæchen^c, her Albreht, her Weichart vnd her Ott, her Chalhoch der Zvkswert^f, Christan von Tetelhaim, Hainreich der Noppinger, Vlreich der Lampotinger, Chv^on von Imzinge, Wernh(art), Paul di Zvkswert^g, Fridreich der Perger, Ch(vnrad) der Shurre^h, Ch(vnrad) der Vreioltsmoserⁱ vnd sein svn Wernh(art) vnd ander erberig gezevg genveg, di daz horten vnd sahen. Diser brief ist gebn, do von Christ geburt waren drevzehen hundert jar vnd in dem ersten jar darnach, an sand Vincencen tag.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 493, S. 410-411