Wir der ra^et vnd deu gemain der purger ze Stain tuen chunt allen den, di^e disen bri^ef ansehent vnd | ho^erent lesen, daz fu^er vns ist chom her Fridrich der Ru^eschel vnser purger vnd hat vo^er vns vergehen, daz er hab einen paungarten in der aw^ee beî der chirchen von dem gotshau^es ze Raitenhaslach ze rehtem purchreht ze dreîhzz pfenning vnd zeinem halben pfunt^a zins, vnd daz selbe purchreht du^e dreihzz pfenning di^e sol er geben alle jâr an sant Mychels tage vnd daz halpfunt^b zins an sant Merteins tage dar nach, vnd swen er daz selb pu^erchreht niht geb an dem vo^ergenanten tage, so sol wandel dar auf gen, als pu^erchrehtes reht ist, vnd swen er den zins auch niht gebe an dem tage, der uo^er benant ist, swer den ho^efmaister ist in Raitenhaslaher ho^ef, der sol fu^er denselben zins auf dem vorgenanten aygen pfenten mît seinem gu^etem willen, vnd swen der uo^er genant Fridrich seinen holden auf daz uo^ergenant ay/^gen Stift oder sezzet, tu^et der dehayn vnzuht, da sol uo^er dem uo^ergenanten ho^efmaister vmb geschehen, swaz reht ist, vnd sol ouch daz purchreht vnd der uo^er genant zins weder mit steur noch mit dehainem dwanchsal niht gemert werden von gotshau^es vnd von dem ho^efmaister, als ê benant ist, daz her Fridrich vnd sein ho^eld auf dem gu^et fu^erbaz an schaden beleiben. Daz der rede also seî vnd fu^erbaz niht verchert werde, da geb wi^er disen bri^ef vber mit vnserm insigel zeinem v^orchunde. Diser brif ist geben, do von Christes gepu^ert was tausent jâr dreu hundert jâr vnd ay/^n jâr, an vnser frau^en tage ze der liehtmi^ess.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 494, S. 411-412